കോഴിക്കോട് : രാമനാട്ടുകരയിൽ കാണാതായ യുവാവിന്‍റെ മൃതദേഹം വീട്ടിലെ കിണറിൽ കണ്ടെത്തി. രാമനാട്ടുകര ഫ്രണ്ട്സ് പ്ലൈവുഡ് കമ്പനി ഉടമയായ പെരിഞ്ചീരി പറമ്പ് സുധീഷാണ് (44) മരിച്ചത്. ഇന്ന് പുലർച്ചെ അഞ്ച് മണി മുതലാണ് സുധീഷിനെ കാണാതായത്.
രാവിലെ സുധീഷിനെ കാണാതായതോടെ ഭാര്യ ബന്ധുക്കളെയും പരിസരവാസികളെയും വിവരമറിയിക്കുകയായിരുന്നു. തുടർന്ന് ഇയാൾ പോകാൻ സാധ്യതയുള്ള എല്ലാ സ്ഥലങ്ങളിലും തെരച്ചിൽ നടത്തിയെങ്കിലും കണ്ടെത്താൻ സാധിച്ചില്ല. തുടർന്ന് വീട്ടിലെ കിണറിൽ ഉണ്ടോ എന്ന സംശയത്തിൻ്റെ അടിസ്ഥാനത്തിൽ ഫയർഫോഴ്‌സിനെ വിവരമറിക്കുകയായിരുന്നു.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക
മീഞ്ചന്തയിൽ നിന്നെത്തിയ ഫയർഫോഴ്‌സ് ഉദ്യോഗസ്ഥർ കിണറിൽ ഇറങ്ങി പരിശോധിച്ചപ്പോഴാണ് മൃതദേഹം കണ്ടെത്തിയത്. കിണറിൽ നിന്ന് പുറത്തെടുത്ത മൃതദേഹം മെഡിക്കൽ കോളജ് മോർച്ചറിയിലേക്ക് മാറ്റി. മൃതദേഹം ഇൻക്വസ്റ്റ് പോസ്റ്റ്‌മോർട്ടം നടപടികൾക്ക് ശേഷം ബന്ധുക്കൾക്ക് വിട്ടു നൽകും.
Also Read : കുളത്തില്‍ കുളിക്കാനിറങ്ങിയ വിദ്യാർഥി മുങ്ങി മരിച്ചു
