കോഴിക്കോട് : ഫറോക്ക് റെയിൽവേ സ്റ്റേഷനിൽ ട്രെയിനിൽ കയറുന്നതിനിടെ വീണ് യുവതിക്ക് ദാരുണാന്ത്യം. തലശ്ശേരി പുല്ലൂക്കര ജാസ്‌മിൻ വില്ലയിൽ ഹാഷിമിന്‍റെ ഭാര്യ വാഹിദ (44) ആണ് മരിച്ചത്. സിഎംഎ പരീക്ഷ എഴുതുന്ന മകൾക്കൊപ്പം രാമനാട്ടുകരയിലെ പരീക്ഷ സെന്‍ററിൽ എത്തിയതായിരുന്നു. മടങ്ങുന്നതിനിടെയാണ് അപകടം സംഭവിച്ചത്.
എറണാകുളം - നിസാമുദ്ദീൻ മംഗള ലക്ഷദ്വീപ് എക്‌സ്‌പ്രസിൽ കയറുന്നതിനിടെ ഇവർ പിടിവിട്ട് താഴേക്ക് വീഴുകയായിരുന്നു.
ട്രെയിനിനടിയിലേക്ക് വീണ ഇവർ തൽക്ഷണം മരിച്ചു. മൃതദേഹം കോഴിക്കോട് ഗവ.മെഡിക്കൽ കോളജ് ആശുപത്രി മോർച്ചറിയിലേക്ക് മാറ്റി.
