ETV Bharat / state

ദുരന്ത ബാധിതരുടെ കൈപിടിച്ച് ഇന്ത്യൻ സേന; പ്രതികൂല സാഹചര്യത്തിലും രക്ഷാപ്രവര്‍ത്തനം - Wayanad Landslide Updates - WAYANAD LANDSLIDE UPDATES

വയനാട്ടിലെ രക്ഷാപ്രവര്‍ത്തനത്തിന് 200 ഓളം വരുന്ന ഇന്ത്യൻ സേനാംഗങ്ങളുടെ 122 ടിഎ ബറ്റാലിയന്‍ എത്തി. സംഘത്തില്‍ ഇന്ത്യൻ നേവിയിൽ നിന്നുള്ള 30 നീന്തൽ വിദഗ്‌ധരുമുണ്ട്. അത്യന്തം ദുഷ്‌കരമായ സാഹചര്യത്തിലാണ് രക്ഷാപ്രവര്‍ത്തനം തുടരുന്നത്.

MUNDAKAI LANDSLIDE  വയനാട് ഉരുള്‍പൊട്ടല്‍  WAYANAD RAIN NEWS  INDIAN ARMY RESCUE OPERATION
വയനാട്ടില്‍ രക്ഷാപ്രവര്‍ത്തനത്തിനിറങ്ങി ഇന്ത്യന്‍ ആര്‍മി (ETV Bharat)
author img

By ETV Bharat Kerala Team

Published : Jul 30, 2024, 6:15 PM IST

ഇന്ത്യൻ ആര്‍മിയുടെ രക്ഷാപ്രവര്‍ത്തനം (ETV Bharat)

വയനാട്: താഴെ മലവെള്ളത്തിന്‍റെ കുത്തൊഴുക്ക് ചുറ്റിലും എല്ലാം തകര്‍ന്ന് കിടക്കുന്ന നാട്. മേലെ ആകാശത്ത് കാര്‍മേഘങ്ങളുണ്ടെങ്കിലും ക്ഷോഭം കഴിഞ്ഞ ശാന്തത. ഇന്ത്യന്‍ ആര്‍മി നല്‍കിയ സ്ട്രെക്‌ചറില്‍ കിടന്ന് കലിതുള്ളി ഒഴുകുന്ന മുത്തപ്പന്‍ പുഴയ്ക്ക് കുറുകെ കടന്ന ഓരോ മുണ്ടക്കൈ നിവാസിയുടേയും മനസ് ശൂന്യമായിരുന്നിരിക്കണം.

എല്ലാം നഷ്‌ടമായെന്ന് കരുതി ഇനി ജീവിതത്തിലേക്കില്ലെന്ന് കരുതിയേടത്ത് നിന്നാണ് ദൈവദൂതന്മാരെപ്പോലെ ഇന്ത്യന്‍ സേനാംഗങ്ങള്‍ അവരുടെ ഇടയിലേക്ക് എത്തിയത്. പുറം ലോകവുമായി ബന്ധം നഷ്‌ടപ്പെട്ട് മുണ്ടക്കൈയില്‍ കുടുങ്ങിയവരുടെ സമീപത്തേക്ക് എത്താന്‍ നേരം വെളുത്തത് മുതല്‍ രക്ഷാപ്രവര്‍ത്തകരും അഗ്നിശമന സേനയും ശ്രമിക്കുകയായിരുന്നു. നിര്‍ത്താതെ പെയ്യുന്ന മഴയും ഗതിമാറിയൊഴുകുന്ന പുഴയും രണ്ടാള്‍പ്പൊക്കത്തില്‍ അടിഞ്ഞുകൂടിയ ചെളിയും പാറക്കല്ലുകളും ഒക്കെ കാരണം വഴിയേത് കിണറേത് എന്നറിയാതെ രക്ഷാപ്രവര്‍ത്തകര്‍ കുഴങ്ങിയ മണിക്കൂറുകള്‍. അവിടേക്കാണ് ടെറിട്ടോറിയല്‍ ആര്‍മിയിലേയും ഏഴിമല നാവിക അക്കാദമിയിലേയും സൈനികര്‍ ഉച്ചയോടെ എത്തിയത്.

MUNDAKAI LANDSLIDE  വയനാട് ഉരുള്‍പൊട്ടല്‍  WAYANAD RAIN NEWS  INDIAN ARMY RESCUE OPERATION
Indian Army Rescue Operation (ETV Bharat)

മലവെള്ളപ്പാച്ചിലെടുത്ത പാലമായിരുന്നു ദുരന്തം കാരണം ഒറ്റപ്പെട്ട മുണ്ടക്കൈയില്‍ എത്താനുള്ള തടസമെന്ന് മനസിലാക്കിയ സൈന്യം ആദ്യം അവിടേക്ക് എത്താനുള്ള റോപ് വേ സജ്ജമാക്കുകയാണ് ചെയ്‌തത്. പിന്നെ ഓരോരുത്തരായി മറുകരയിലേക്ക്. വൈദ്യസഹായവും മരുന്നുകളുമായി നാവികസേന സംഘവും എത്തി.

പിറകെ അവിടെ കുടുങ്ങിയവരില്‍ പരിക്കേറ്റവരെ മുന്‍ഗണനയനുസരിച്ച് പ്രാഥമിക ചികില്‍സ നല്‍കി കരയിലെത്തിക്കാനുള്ള ശ്രമം തുടങ്ങി. ധൈര്യം പകര്‍ന്ന് സൈന്യം കൂടെ നിന്നപ്പോള്‍ യാതൊരു മടിയും കൂടാതെ സ്ട്രക്ച്ചറിലും റോപ് വേയിലും കയറി ഓരോരുത്തരായി മറുകരയിലെത്തി.

200 വീടുകളുണ്ടായ സ്ഥലമാണ്. ഇപ്പോള്‍ കേവലം അഞ്ചോ ആറോ വീടുകള്‍ മാത്രമാണ് കാണാനുള്ളത്. ഉറ്റവരും ഉടയവരും എവിടെയാണെന്ന് പോലും ആര്‍ക്കും അറിയില്ല.

ഇപ്പോഴും ദുരന്ത ഭൂമിയിൽ ഇന്ത്യൻ ആർമിയുടെ നേതൃത്വത്തിൽ രക്ഷാപ്രവർത്തനം പുരോഗമിക്കുകയാണ്. 122 ടിഎ ബറ്റാലിയനാണ് 12:30 മണിയോടെ വയനാട്ടിലെത്തി രക്ഷാപ്രവർത്തനങ്ങൾ തുടങ്ങിയത്. 200 ഓളം വരുന്ന ഇന്ത്യൻ ആർമി സേനാംഗങ്ങളാണ് രക്ഷാപ്രവർത്തനത്തിൽ ഏർപ്പെട്ടിരിക്കുന്നത്.

MUNDAKAI LANDSLIDE  വയനാട് ഉരുള്‍പൊട്ടല്‍  WAYANAD RAIN NEWS  INDIAN ARMY RESCUE OPERATION
റോപ് വേയിലൂടെ രക്ഷാപ്രവര്‍ത്തനം നടത്തുന്ന സൈന്യം (ETV Bharat)

ഇന്ത്യൻ നേവിയിൽ നിന്നുള്ള 30 നീന്തൽ വിദഗ്‌ധരും സംഘത്തിലുണ്ട്. ഏഴിമലയിൽ നിന്നുള്ള ഇന്ത്യൻ നേവിയുടെ മെഡിക്കൽ ടിം പരിക്കേറ്റവര്‍ക്ക് ചികിത്സ നൽകിയാണ് ആശുപത്രിയിലേക്ക് മാറ്റുന്നത്. അത്യന്തം ദുഷ്‌കരമായ രക്ഷാപ്രവർത്തനമാണ് സേന മുന്നോട്ട് കൊണ്ടുപോകുന്നത്. എയർഫോഴ്‌സ് സ്റ്റേഷനായ സുലൂരിൽ നിന്ന് രണ്ട് ഹെലികോപ്റ്ററുകളും രക്ഷാപ്രവർത്തനത്തിൽ പങ്കെടുക്കും.

Also Read: ചൂരല്‍മലയില്‍ വീണ്ടും മണ്ണിടിച്ചില്‍; സുരക്ഷിതയിടത്തേക്ക് മാറി രക്ഷാദൗത്യം

ഇന്ത്യൻ ആര്‍മിയുടെ രക്ഷാപ്രവര്‍ത്തനം (ETV Bharat)

വയനാട്: താഴെ മലവെള്ളത്തിന്‍റെ കുത്തൊഴുക്ക് ചുറ്റിലും എല്ലാം തകര്‍ന്ന് കിടക്കുന്ന നാട്. മേലെ ആകാശത്ത് കാര്‍മേഘങ്ങളുണ്ടെങ്കിലും ക്ഷോഭം കഴിഞ്ഞ ശാന്തത. ഇന്ത്യന്‍ ആര്‍മി നല്‍കിയ സ്ട്രെക്‌ചറില്‍ കിടന്ന് കലിതുള്ളി ഒഴുകുന്ന മുത്തപ്പന്‍ പുഴയ്ക്ക് കുറുകെ കടന്ന ഓരോ മുണ്ടക്കൈ നിവാസിയുടേയും മനസ് ശൂന്യമായിരുന്നിരിക്കണം.

എല്ലാം നഷ്‌ടമായെന്ന് കരുതി ഇനി ജീവിതത്തിലേക്കില്ലെന്ന് കരുതിയേടത്ത് നിന്നാണ് ദൈവദൂതന്മാരെപ്പോലെ ഇന്ത്യന്‍ സേനാംഗങ്ങള്‍ അവരുടെ ഇടയിലേക്ക് എത്തിയത്. പുറം ലോകവുമായി ബന്ധം നഷ്‌ടപ്പെട്ട് മുണ്ടക്കൈയില്‍ കുടുങ്ങിയവരുടെ സമീപത്തേക്ക് എത്താന്‍ നേരം വെളുത്തത് മുതല്‍ രക്ഷാപ്രവര്‍ത്തകരും അഗ്നിശമന സേനയും ശ്രമിക്കുകയായിരുന്നു. നിര്‍ത്താതെ പെയ്യുന്ന മഴയും ഗതിമാറിയൊഴുകുന്ന പുഴയും രണ്ടാള്‍പ്പൊക്കത്തില്‍ അടിഞ്ഞുകൂടിയ ചെളിയും പാറക്കല്ലുകളും ഒക്കെ കാരണം വഴിയേത് കിണറേത് എന്നറിയാതെ രക്ഷാപ്രവര്‍ത്തകര്‍ കുഴങ്ങിയ മണിക്കൂറുകള്‍. അവിടേക്കാണ് ടെറിട്ടോറിയല്‍ ആര്‍മിയിലേയും ഏഴിമല നാവിക അക്കാദമിയിലേയും സൈനികര്‍ ഉച്ചയോടെ എത്തിയത്.

MUNDAKAI LANDSLIDE  വയനാട് ഉരുള്‍പൊട്ടല്‍  WAYANAD RAIN NEWS  INDIAN ARMY RESCUE OPERATION
Indian Army Rescue Operation (ETV Bharat)

മലവെള്ളപ്പാച്ചിലെടുത്ത പാലമായിരുന്നു ദുരന്തം കാരണം ഒറ്റപ്പെട്ട മുണ്ടക്കൈയില്‍ എത്താനുള്ള തടസമെന്ന് മനസിലാക്കിയ സൈന്യം ആദ്യം അവിടേക്ക് എത്താനുള്ള റോപ് വേ സജ്ജമാക്കുകയാണ് ചെയ്‌തത്. പിന്നെ ഓരോരുത്തരായി മറുകരയിലേക്ക്. വൈദ്യസഹായവും മരുന്നുകളുമായി നാവികസേന സംഘവും എത്തി.

പിറകെ അവിടെ കുടുങ്ങിയവരില്‍ പരിക്കേറ്റവരെ മുന്‍ഗണനയനുസരിച്ച് പ്രാഥമിക ചികില്‍സ നല്‍കി കരയിലെത്തിക്കാനുള്ള ശ്രമം തുടങ്ങി. ധൈര്യം പകര്‍ന്ന് സൈന്യം കൂടെ നിന്നപ്പോള്‍ യാതൊരു മടിയും കൂടാതെ സ്ട്രക്ച്ചറിലും റോപ് വേയിലും കയറി ഓരോരുത്തരായി മറുകരയിലെത്തി.

200 വീടുകളുണ്ടായ സ്ഥലമാണ്. ഇപ്പോള്‍ കേവലം അഞ്ചോ ആറോ വീടുകള്‍ മാത്രമാണ് കാണാനുള്ളത്. ഉറ്റവരും ഉടയവരും എവിടെയാണെന്ന് പോലും ആര്‍ക്കും അറിയില്ല.

ഇപ്പോഴും ദുരന്ത ഭൂമിയിൽ ഇന്ത്യൻ ആർമിയുടെ നേതൃത്വത്തിൽ രക്ഷാപ്രവർത്തനം പുരോഗമിക്കുകയാണ്. 122 ടിഎ ബറ്റാലിയനാണ് 12:30 മണിയോടെ വയനാട്ടിലെത്തി രക്ഷാപ്രവർത്തനങ്ങൾ തുടങ്ങിയത്. 200 ഓളം വരുന്ന ഇന്ത്യൻ ആർമി സേനാംഗങ്ങളാണ് രക്ഷാപ്രവർത്തനത്തിൽ ഏർപ്പെട്ടിരിക്കുന്നത്.

MUNDAKAI LANDSLIDE  വയനാട് ഉരുള്‍പൊട്ടല്‍  WAYANAD RAIN NEWS  INDIAN ARMY RESCUE OPERATION
റോപ് വേയിലൂടെ രക്ഷാപ്രവര്‍ത്തനം നടത്തുന്ന സൈന്യം (ETV Bharat)

ഇന്ത്യൻ നേവിയിൽ നിന്നുള്ള 30 നീന്തൽ വിദഗ്‌ധരും സംഘത്തിലുണ്ട്. ഏഴിമലയിൽ നിന്നുള്ള ഇന്ത്യൻ നേവിയുടെ മെഡിക്കൽ ടിം പരിക്കേറ്റവര്‍ക്ക് ചികിത്സ നൽകിയാണ് ആശുപത്രിയിലേക്ക് മാറ്റുന്നത്. അത്യന്തം ദുഷ്‌കരമായ രക്ഷാപ്രവർത്തനമാണ് സേന മുന്നോട്ട് കൊണ്ടുപോകുന്നത്. എയർഫോഴ്‌സ് സ്റ്റേഷനായ സുലൂരിൽ നിന്ന് രണ്ട് ഹെലികോപ്റ്ററുകളും രക്ഷാപ്രവർത്തനത്തിൽ പങ്കെടുക്കും.

Also Read: ചൂരല്‍മലയില്‍ വീണ്ടും മണ്ണിടിച്ചില്‍; സുരക്ഷിതയിടത്തേക്ക് മാറി രക്ഷാദൗത്യം

ETV Bharat Logo

Copyright © 2025 Ushodaya Enterprises Pvt. Ltd., All Rights Reserved.