വയനാട്: ചൂരൽമല - മുണ്ടക്കൈ ഉരുള്‍പൊട്ടല്‍ ദേശീയ ദുരന്തമായി പ്രഖ്യാപിക്കാത്ത കേന്ദ്ര സർക്കാർ നടപടിയിൽ പ്രതിഷേധിച്ച് വയനാട്ടിൽ നവംബർ 19ന് യുഡിഎഫും, എൽഡിഎഫും ഹർത്താൽ പ്രഖ്യാപിച്ചു. ഇന്ന് ഡിസിസിയിൽ ചേർന്ന യോഗത്തിലാണ് യുഡിഎഫ് നേതാക്കൾ ഇക്കാര്യം അറിയിച്ചത്. തിങ്കളാഴ്‌ച രാവിലെ ആറു മുതല്‍ വൈകിട്ട് ആറുവരെയാണ് ഹര്‍ത്താല്‍. കടകമ്പോളങ്ങള്‍ അടച്ചിടും. വാഹനങ്ങള്‍ നിരത്തിലിറക്കില്ല.
സമാധാനപരമായി രാജ്യം ശ്രദ്ധിക്കുന്ന തരത്തിൽ സമരം നടത്തുമെന്നും മൂന്ന് നിയോജക മണ്ഡലത്തിലും കേന്ദ്ര സർക്കാരിനെതിരെ പോസ്റ്റോഫിസ് മാർച്ച് നടത്തുമെന്നും ടി സിദ്ദിഖ് എംഎൽഎ പറഞ്ഞു. വയനാട്ടിലെ പുനരധിവാസം നീളുന്നത് കയ്യും കെട്ടി നോക്കിയിരിക്കാന്‍ ആകില്ലെന്നും കോണ്‍ഗ്രസ് നേതാവ് ടി സിദ്ദിഖ് ചൂണ്ടിക്കാട്ടി. കേന്ദ്രസഹായം വൈകുന്നതിലും യുഡിഎഫ് അതൃപ്‌തി പ്രകടിപ്പിച്ചു.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക
വയനാട് ദുരന്തത്തെ അതിതീവ്ര ദുരന്തമായി പ്രഖ്യാപിക്കുന്നില്ലെന്നും പ്രധാനമന്ത്രിയുടേത് വാഗ്‌ദാന ലംഘനമാണെന്നും യുഡിഎഫ് കുറ്റപ്പെടുത്തി. അതേസമയം കേന്ദ്ര സഹായം നിഷേധിച്ചതിനെതിരെ എൽഡിഎഫും ഹർത്താൽ പ്രഖ്യാപിച്ചു. ശക്തമായ സമര പരിപാടികൾ സംഘടിപ്പിക്കുമെന്ന് എൽഡിഎഫ് നേതാക്കള്‍ പറഞ്ഞു.
Also Read: വയനാട് ദുരന്തം; 'കേന്ദ്ര നിലപാട് അംഗീകരിക്കാനാവില്ല, കേരളത്തിന് വീഴ്‌ച ഉണ്ടായിട്ടില്ല': കെവി തോമസ്
