തിരുവനന്തപുരം : കേരളത്തിൽ അലയടിച്ചുകൊണ്ടിരിക്കുന്നത് മോദി- പിണറായി വിരുദ്ധ തരംഗമാണെന്ന് കെപിസിസി ആക്‌ടിങ് പ്രസിഡന്‍റ് എം എം ഹസൻ. ഈ തെരഞ്ഞെടുപ്പിൽ യുഡിഎഫ് 20 സീറ്റിലും ജയിക്കും. മോദി സർക്കാരിന്‍റെ വിനാശകരമായ പ്രവർത്തനങ്ങൾക്കെതിരെയുള്ള വിധി എഴുത്തായിരിക്കും ഈ തെരഞ്ഞെടുപ്പെന്നും ജഗതി യു പി സ്‌കൂളിൽ വോട്ട് രേഖപ്പെടുത്തിയ ശേഷം അദ്ദേഹം പറഞ്ഞു.
മതേതര ജനാധിപത്യ വോട്ടർമാർ ബിജെപിക്ക് കേരളത്തിൽ ഒരു സീറ്റുപോലും നൽകാതെ യു ഡി എഫിന് 20 സീറ്റിലും വിജയം നല്‌കാൻ പോകുന്നത്. ഇ പിക്കെതിരെ പിണറായി അവിശ്വാസം രേഖപ്പെടുത്തി. ഇ പിക്ക് അന്തസ് ഉണ്ടെങ്കിൽ എൽഡിഎഫ് കൺവീനർ സ്ഥാനം ഒഴിഞ്ഞ് പിണറായിക്ക് മറുപടി പറയണമെന്നും എം എം ഹസൻ പറഞ്ഞു. കഴിഞ്ഞ എട്ട് വർഷത്തെ പിണറായി സർക്കാരിന്‍റെ ദുർഭരനത്തിനെതിരായ ശക്തമായ താക്കീത് കൂടിയാകും ഈ തെരഞ്ഞെടുപ്പിൽ പ്രതിഫലിക്കുകയെന്നും എം എം ഹസൻ കൂട്ടിച്ചേർത്തു.
