ഷിരൂർ മണ്ണിടിച്ചിൽ: തെരച്ചില്‍ ആരംഭിച്ച് ഈശ്വര്‍ മല്‍പെ, അർജുന്‍റെ സഹോദരി ദൗത്യ മേഖലയില്‍ - Shirur Landslide Updates

കർണാടകയിലെ ഷിരൂരിൽ ഉണ്ടായ മണ്ണിടിച്ചിലിൽ കാണാതായ അർജുനുൾപ്പെടെയുള്ള മൂന്ന് പേർക്കായി ഇന്നും തെരച്ചിൽ. മുങ്ങിതെരച്ചിലിനായി ഈശ്വർ മൽപെ പുഴയിൽ ഇറങ്ങി.

ഷിരൂർ (കർണാടക) : ഷിരൂരിൽ മണ്ണിടിച്ചിലിൽ കാണാതായ കോഴിക്കോട് സ്വദേശി അർജുനുൾപ്പെടെയുള്ള മൂന്ന് പേർക്കായി ഇന്നും തെരച്ചിൽ തുടരുന്നു. ഗോവയിൽ നിന്നെത്തിച്ച ഡ്രെഡ്‌ജർ ഉപയോഗിച്ചാണ് പരിശോധന നടത്തുന്നത്. മുങ്ങി പരിശോധന ആരംഭിച്ചു.

ഈശ്വർ മൽപെ പരിശോധനയ്‌ക്കായി പുഴയിൽ ഇറങ്ങി. അർജുന്‍റെ സഹോദരി അഞ്‌ജു ഇന്ന് സംഭവസ്ഥലത്തെത്തി. പുഴയിൽ ഒഴുക്ക് കുറവായത് കൊണ്ട് തെരച്ചിൽ നടത്താൻ അനുയോജ്യമായ കാലാവസ്ഥയാണ്.