പത്തനംതിട്ട: പുതിയ ജില്ല പൊലീസ് മേധാവിയായി എസ് സുജിത് ദാസ് ഐപിഎസ് ചുമതലയേറ്റു. ക്രമസമാധാനപാലന ചുമതലയുള്ള എഡിജിപിയുടെ സ്പെഷ്യൽ ഓഫിസറായി നിയമിതനായ വി അജിത് ഐപിഎസിൽ നിന്നുമാണ് അദ്ദേഹം അധികാര ചുമതല ഏറ്റെടുത്തത്. തീവ്രവാദ വിരുദ്ധവിഭാഗം എറണാകുളം എസ്‌പി ആയിരിക്കെയാണ് പുതിയ നിയമനം.
കോട്ടയം മുട്ടമ്പലം സ്വദേശിയായ സുജിത് ദാസ് 2015 ബാച്ച് ഐപിഎസ് ഓഫിസറാണ്. നേരത്തെ മലപ്പുറം ജില്ല പൊലീസ് മേധാവിയായിരുന്നു അദ്ദേഹം. കസ്റ്റംസ് ഇൻസ്‌പെക്‌ടർ ആയി ജോലി നോക്കിയിട്ടുണ്ട്. അന്വേഷണ മികവിനുള്ള പ്രസിഡന്‍റിന്‍റെ മെഡൽ 2021ൽ കരസ്ഥമാക്കി.
അഡിഷണൽ എസ്‌പി ആർ ബിനു, ജില്ല സ്പെഷ്യൽ ബ്രാഞ്ച് ഡിവൈഎസ്‌പിജി സുനിൽ കുമാർ, സബ് ഡിവിഷണൽ പൊലീസ് ഓഫിസർമാരായ എസ് അഷാദ്, ആർ ജയരാജ്‌, ടി രാജപ്പൻ, ജി സന്തോഷ്‌കുമാർ തുടങ്ങിയവരുടെ സാന്നിധ്യത്തിലായിരുന്നു ചടങ്ങുകൾ.
Also Read: യോഗേഷ് ഗുപ്‌തയ്‌ക്ക് ഡിജിപിയായി സ്ഥാനക്കയറ്റം; വിജിലന്‍സ് ഡയറക്‌ടര്‍ ഇനി ഡിജിപി കേഡര്‍
