വോട്ടെടുപ്പ് ദിനം അനന്തപദ്‌മനാഭ സ്വാമി ക്ഷേത്രം സന്ദര്‍ശിച്ച് രാജീവ് ചന്ദ്രശേഖര്‍
തിരുവനന്തപുരം : ലോക്‌സഭ തെരഞ്ഞെടുപ്പ് രണ്ടാം ഘട്ട പോളിങ് ദിവസം തിരുവനന്തപുരത്തെ വിവിധ ആരാധനാലയങ്ങള്‍ സന്ദര്‍ശിച്ച് എൻഡിഎ സ്ഥാനാര്‍ഥി രാജീവ് ചന്ദ്രശേഖര്‍. അനന്തപദ്‌മനാഭ സ്വാമി ക്ഷേത്രം, വെട്ടുകാട് പള്ളി, പഴവങ്ങാടി ഗണപതി ക്ഷേത്രം എന്നിവിടങ്ങളിലാണ് വോട്ടെടുപ്പ് ദിവസം രാവിലെ തന്നെ രാജീവ് ചന്ദ്രശേഖര്‍ സന്ദര്‍ശനം നടത്തിയത്. തിരുവനന്തപുരം മണ്ഡലത്തിലെ ജനങ്ങള്‍ മാറ്റം ആഗ്രഹിക്കുന്നുണ്ടെന്നും താൻ തികഞ്ഞ ആത്മവിശ്വാസത്തിലാണെന്നും അനന്ത പദ്‌മനാഭ സ്വാമി ക്ഷേത്രം സന്ദര്‍ശിച്ച ശേഷം അദ്ദേഹം മാധ്യമങ്ങളോട് പറഞ്ഞു.
