കോട്ടയം: ലോകം അംഗീകരിച്ച മലയാളി പ്രതിഭകളെ കേരളം പലപ്പോഴും തിരിച്ചറിയാതെയും അർഹിക്കുന്ന അംഗീകാരം നൽകാതെയും പോയിട്ടുണ്ടെന്ന് ഗോവ ഗവർണർ പി എസ് ശ്രീധരൻ പിള്ള. വിശ്രുത ഭൗതിക ശാസ്ത്രജ്ഞനായ ഐസക് ന്യൂട്ടന്‍റെ സിദ്ധാന്തത്തിന് സമാനമായ കണ്ടെത്തൽ ആറ് നൂറ്റാണ്ട് മുമ്പ് തൃശൂരിലെ ഇരിങ്ങാലക്കുടയിൽ മാധവ് എന്ന പ്രതിഭ നടത്തിയിരുന്നു. വാനനിരീക്ഷണത്തിലൂടെ അദ്ദേഹം മനസിലാക്കിയ ശാസ്ത്ര സത്യങ്ങൾ ക്രേംബ്രിഡ്‌ജ് സർവകലാശാലയിൽ മാധവ് - ന്യൂട്ടൻ തിയറി എന്ന നിലയിൽ പാഠ്യ വിഷയം ആണ്.
അദ്ദേഹത്തിന്‍റെ ഇരിങ്ങാലക്കുടയിലെ മനയിൽ സമീപകാലത്ത് സന്ദർശനം നടത്തിയിരുന്നു. വസതിയോട് ചേർന്നുള്ള ക്ഷേത്ര പരിസരത്തുവച്ചാണ് അദ്ദേഹം ആകാശത്തെ കുറിച്ച് പഠിച്ചത്. ലോകപ്രശസ്‌ത്ര ഹൃദ്രോഗ വിദഗ്‌ധനായ ഡോ. കെ എം ചെറിയാനെ കുറിച്ചും ഗവർണർ പ്രതിപാദിച്ചു.
പ്രതിഭകളെ കണ്ടെത്തി ആദരിക്കുകയും അംഗീകരിക്കുകയും ചെയ്യുമ്പോഴാണ് അവർ സമൂഹത്തിന്‍റെ മുഖ്യധാരയിൽ എത്തുന്നത്. കോട്ടയത്ത് ഗാന്ധിജി സോഷ്യൽ ആൻഡ് കൾചറൽ സെന്‍റർ സംസ്ഥാന വാർഷികം ഉദ്ഘാടനം ചെയ്‌ത് സംസാരിക്കുകയായിരുന്നു അദ്ദേഹം. തിരുവഞ്ചൂർ രാധാകൃഷ്‌ണിൻ എംഎൽഎ പരിപാടിയുടെ അധ്യക്ഷത വഹിച്ചു.
ഇടിവി ഭാരത് കേരളം ഇനി വാട്‌സ്‌ആപ്പിലും
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക.
ചാണ്ടി ഉമ്മൻ എംഎൽഎ, കൾചറൽ സെന്‍റര്‍ പ്രസിഡന്‍റ് ഡോ. ടി എൻ പരമേശ്വരക്കുറുപ്പ്, ജനറൽ സെക്രട്ടറി കോട്ടയം മണി, സംഘാടക സമിതി ചെയർമാൻ സാബു മാത്യു, പ്രസ് ക്ലബ് പ്രസിഡന്‍റ് അനീഷ് കുര്യൻ, ഡി ശോഭ, ജി ശ്രീകുമാർ, വി കെ അനിൽ കുമാർ എന്നിവർ പ്രസംഗിച്ചു. ഡോ. ആർ ആർ ശർമ, ഡോ. സുനിൽ അയ്യൻകോൽപ്പടി,
ഡോ. ടി എസ് പ്രേമലത, ഡോ. കെ നളിനി എന്നിവരെ പരിപാടിയില്‍ ആദരിച്ചു. വിവിധ മേഖലകളിൽ നിന്നുളള ഡോ. നിശാന്ത് തോപ്പിൽ, രാജു ആനിക്കാട്, രമണിയമ്മ, ബേബിച്ചൻ, അനൂപ് അനന്തൻ നമ്പൂതിരി, മായ ജയമോഹൻ, കെ ശങ്കരൻ, സൂസൻ കെ സേവ്യർ, എൻ ഹരി, അന്നമ്മ ട്യൂബ്, ലിസി കുര്യൻ, ദിവ്യ മോൾ എന്നിവർക്ക് പുരസ്‌കാരം സമ്മാനിച്ചു.
