പെരുവയലിലെ പനം പൊടി നിർമ്മാണം (പനം പൊടി നിർമ്മാണം PALM POWDER MANUFACTURING PALM FLOUR MAKING പനം പൊടി)
കോഴിക്കോട് : അന്നമില്ലാത്ത കാലത്ത് പാവങ്ങളുടെ അന്നമായിരുന്നു പനമ്പൊടി. നാടിന്‍റെ വിശപ്പടക്കുന്നതിൽ പ്രധാനി. പനമുറിച്ച് കഷണങ്ങളാക്കി അതിൽ നിന്നും പൊടിയുണ്ടാക്കി ആ പൊടി ഉപയോഗിച്ച് വ്യത്യസ്‌തമായ വിഭവങ്ങൾ ഒരുക്കിയാണ് ഒരു കാലത്തെ ഗ്രാമീണ ജനത വിശപ്പടക്കിയിരുന്നത്.
ഇന്ന് അതൊക്കെ പഴങ്കഥയായെങ്കിലും പെരുവയലിൽ പനമ്പൊടി ഉൽപ്പാദിപ്പിച്ച് വിൽപ്പന നടത്തുന്ന ഒരാളുണ്ട്. മനക്കൽ പുതിയോട്ടിൽ മുരളീധരൻ. കിണർ നിർമ്മാണ തൊഴിലാളിയായിരുന്നു ഇതുവരെ. ആരോഗ്യ പ്രശ്‌നങ്ങൾ കിണർ നിർമ്മാണ ജോലിയിൽ നിന്നും പിന്തിരിയാൻ പ്രേരിപ്പിച്ചു. വരുമാനം നിലച്ചതോടെ ചെറുപ്പത്തിൽ വിശപ്പടക്കാൻ ഉപയോഗിച്ചിരുന്ന പനമ്പൊടി നിർമ്മാണത്തിലേക്ക് തിരിഞ്ഞു .
