'തെരഞ്ഞെടുപ്പിൽ സമ്മർദ്ദ ശക്തിയാകില്ല'; സമദൂര നിലപാടുമായി ഓർത്തഡോക്‌സ് സഭ - ORTHODOX CHURCH ON LS POLL

ജനാധിപത്യ മൂല്യങ്ങളും മതേതരത്വവും സംരക്ഷിക്കുന്നവർ ജയിച്ചു വരണമെന്നാണ് ഓർത്തഡോക്‌സ് സഭ ആഗ്രഹിക്കുന്നതെന്ന് സഭാ സെക്രട്ടറി ബിജു ഉമ്മൻ.

കോട്ടയം: പാർലമെൻ്റ് തെരഞ്ഞെടുപ്പിൽ സമദൂര നിലപാട് എടുക്കുമെന്നും സമ്മർദ്ദ ശക്തിയാകില്ലെന്നും ഓർത്തഡോക്‌സ് സഭ സെക്രട്ടറി അഡ്വ. ബിജു ഉമ്മൻ. ജനാധിപത്യ മൂല്യങ്ങളും മതേതരത്വവും സംരക്ഷിക്കുന്നവർ ജയിച്ചു വരണമെന്നാണ് സഭ ആഗ്രഹിക്കുന്നതെന്നും അദ്ദേഹം പറഞ്ഞു.

ഭരണഘടന നൽകുന്ന അവകാശങ്ങൾ പരിപൂർണമായി നടപ്പാക്കുക എന്നതാണ് സർക്കാരുകളുടെ ചുമതല. അത് നടപ്പാക്കുന്നവർ ഏത് മുന്നണിയിലായാലും ജയിച്ചു വരണമെന്ന് ആഗ്രഹിക്കുന്നു. അത് ഉൾക്കൊണ്ട് സഭ മക്കൾ സമ്മതിദാനം വിനിയോഗിക്കുമെന്നും സഭ സെക്രട്ടറി പറഞ്ഞു.