മുണ്ടു കോട്ടക്കലിൽ ശാരീരിക അവശത നേരിടുന്നവർ ഇത്തവണയും വോട്ട് ചെയ്യാൻ എത്തുന്നത് ഡോളിയിൽ തന്നെ
പത്തനംതിട്ട: പത്തനംതിട്ട നഗരസഭയിൽ മുണ്ടു കോട്ടക്കൽ ശ്രീനാരായണ ശതവത്സര മെമ്മോറിയൽ എൽ പി സ്‌കൂളിലെ മൂന്ന് ബൂത്തുകളിൽ വോട്ട് ചെയ്യാൻ എത്തുന്ന ഭിന്ന ശേഷിക്കാർക്കും ശാരീരിക അവശത നേരിടുന്നവർക്കും ഇത്തവണയും ഡോളി തന്നെ ആശ്രയം.
4 ഡോളികളാണ് റോഡിൽ നിന്നും ഏറെ ഉയരത്തിലുള്ള ഈ സ്‌കൂളിൽ പ്രവർത്തിക്കുന്ന 3 ബൂത്തുകളിലേക്കായി ക്രമീകരിച്ചിരിക്കുന്നത്. 43 ഓളം പടിക്കെട്ടുകൾ കയറി വേണം വോട്ടർമാർക്ക് മുണ്ടു കോട്ടക്കൽ ശ്രീനാരായണ ശതവത്സര മെമ്മോറിയൽ എൽ പി സ്ക്കുളിലെ മുന്ന് ബൂത്തുകളിൽ എത്തിച്ചേരാൻ.
Also Read:കോഴിക്കോട്‌ തെരഞ്ഞെടുപ്പ്‌ പുരോഗമിക്കുന്നു; പോളിങ്‌ സ്‌റ്റേഷനുകളില്‍ നീണ്ട നിര
