കോട്ടയം നഗരസഭയിൽ വ്യാപക ക്രമക്കേട്: നടന്നത് 3 കോടിയുടെ തട്ടിപ്പ്; മുൻ ക്ലർക്കിനെതിരെ പരാതി - KOTTAYAM MUNICIPALITY PENSION FRAUD

പെൻഷൻ തുക വകമാറ്റി അയച്ചാണ് തട്ടിപ്പ് നടത്തിയത്. നഗരസഭയിൽ 3 കോടിയുടെ തട്ടിപ്പ് നടന്നതായി കണ്ടെത്തിയതിനെ തുടർന്ന് മുൻ ക്ലർക്കിനെതിരെ പരാതി നൽകുകയായിരുന്നു. പ്രതിയ്‌ക്കായി തെരച്ചിൽ ഊർജിതം.

കോട്ടയം: കോട്ടയം നഗരസഭയിൽ 3 കോടിയുടെ തട്ടിപ്പ്. മുൻ ക്ലർക്ക് ആയിരുന്ന അഖിൽ സി വർഗീസ് ആണ് തട്ടിപ്പ് നടത്തിയത്. പെൻഷൻ തുക അമ്മയുടെ അക്കൗണ്ടിലേക്ക് മാറ്റിയായിരുന്നു തട്ടിപ്പ്. മുൻ ജീവനക്കാരനെതിരെ നഗരസഭ സെക്രട്ടറി പൊലീസിൽ പരാതി നൽകി.

ഇയാൾ 2020-23 കാലയളവിൽ ഒരോ മാസവും 5 ലക്ഷം രൂപ വീതം തട്ടിയെടുത്തതായാണ് കണ്ടെത്തിയത്. നിലവിൽ വൈക്കം മുൻസിപ്പാലിറ്റിയിൽ ക്ലാർക്കാണ് അഖിൽ. ഒളിവിൽ കഴിയുന്ന ഇയാൾക്കായി തെരച്ചിൽ ആരംഭിച്ചിട്ടുണ്ട്.