അപകടകരമായ രീതിയിൽ പാമ്പ് പിടുത്തം; നാട്ടുകാരെക്കൊണ്ട് രാജവെമ്പാലയെ പിടിപ്പിക്കുന്ന ദൃശ്യങ്ങൾ പുറത്ത് - KING KOBRA CAPTURING

തൃശ്ശൂർ എച്ചിപ്പാറയിൽ അപകടകരമായ രീതിയിൽ രാജവെമ്പാലയെ പിടികൂടുന്ന ദൃശ്യങ്ങൾ പുറത്ത്. സംഭവത്തിൽ വനംവകുപ്പിന് ഗുരുതര വീഴ്‌ച എന്ന് ആരോപണം.

തൃശൂർ: എച്ചിപ്പാറയിൽ അപകടകരമായ രീതിയിൽ രാജവെമ്പാലയെ പിടികൂടുന്ന ദൃശ്യങ്ങൾ പുറത്ത്. വനംവകുപ്പ് ഉദ്യോഗസ്ഥർ നോക്കിനിൽക്കെയാണ് രണ്ട് യുവാക്കൾ പാമ്പിനെ പിടികൂടുന്നത്.

അശാസ്‌ത്രീയമായ രീതിയിലാണ് യുവാക്കൾ പാമ്പിനെ പിടികൂടുന്നത്. നിരവധി തവണ പാമ്പ് യുവാക്കളെ കൊത്താൻ ശ്രമിക്കുന്നത് വീഡിയോയിൽ കാണാം. പാമ്പിനെ വേദനിപ്പിക്കുന്ന തരത്തിലാണ് യുവാക്കൾ പിടികൂടിയത്.

ഒരാൾ വനംവകുപ്പിലെ താൽക്കാലിക വാച്ചറും മറ്റേയാൾ പ്രദേശവാസിയുമാണെന്നാണ് വിവരം. സംഭവത്തിൽ വനംവകുപ്പിന് ഗുരുതര വീഴ്‌ച ഉണ്ടെന്നാണ് ആരോപണം.