പയ്യന്നൂരിൽ യുഡിഎഫ് ബൂത്ത് ഏജന്‍റിന് മർദനം
കണ്ണൂർ: പയ്യന്നൂരിലെ പോളിങ് സ്റ്റേഷനിൽ എൽഡിഎഫ്-യുഡിഎഫ് തർക്കം. കാറമ്മേൽ എഎൽപി സ്‌കൂളിലെ 78 നമ്പർ പോളിങ് സ്റ്റേഷനിലാണ് തർക്കമുണ്ടായത്. ബൂത്ത് സിപിഎം പ്രവർത്തകർ പിടിച്ചെടുത്തതായും കള്ളവോട്ട് നടന്നതായും യുഡിഎഫ് ആരോപിച്ചിരുന്നു.
ഇതിന് പിന്നാലെയാണ് തർക്കമുണ്ടായത്. ബൂത്തിൽ 5ഓളം പേർ കള്ളവോട്ടുകൾ ചെയ്യാൻ ശ്രമിച്ചതായാണ് യുഡിഎഫ് ആരോപിക്കുന്നത്. സംഭവത്തെ തുടർന്ന് യുഡിഎഫ് ബൂത്ത് ഏജന്‍റിനെ മർദ്ദിച്ചു. കണ്ണൂർ ഡിസിസി ജനറൽ സെക്രട്ടറി എപി നാരായണന്‍റെ മകൻ രഞ്ജിത്തിനാണ് മർദനമേറ്റത്.
മർദനത്തിൽ പരിക്കേറ്റ യുഡിഫ് ബൂത്ത് ഏജന്‍റ് രഞ്ജിത്ത് സ്വകാര്യ ആശുപത്രിയിൽ ചികിത്സ തേടി. മർദനത്തെ തുടർന്ന് യുഡിഎഫ് സ്ഥാനാർഥി രാജ്‌മോഹൻ ഉണ്ണിത്താൻ ബൂത്തിലെത്തി പ്രതിഷേധം നടത്തുന്നുണ്ട്.
Also Read: കേരളം വിധിയെഴുതുന്നു ; ജനഹിതം തേടി 194 സ്ഥാനാര്‍ഥികള്‍
