കാസർകോട് : ആലംപാടി ഹയർ സെക്കന്‍ഡറി സ്‌കൂളിലെ മുപ്പത്തിലധികം വിദ്യാർഥികൾക്ക് ഭക്ഷ്യ വിഷബാധ. സ്‌കൂളിൽ നിന്ന് വിതരണം ചെയ്‌ത പാലിൽ നിന്നാണ് ഭക്ഷ്യ വിഷബാധ ഉണ്ടായതെന്നാണ് സംശയം. കുട്ടികളെ കാസർകോട് ജനറൽ ആശുപത്രി, ചൈത്ര ഹോസ്‌പിറ്റൽ, ഇ കെ നായനാർ ഹോസ്‌പിറ്റൽ എന്നിവിടങ്ങളിൽ പ്രവേശിപ്പിച്ചു.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാം
എൽകെജി മുതൽ ഏഴാം ക്ലാസ് വരെയുള്ള കുട്ടികൾക്കാണ് ഭക്ഷ്യ വിഷബാധ ഏറ്റത്. പാലിന് രുചി വ്യത്യാസം ഉണ്ടായിരുന്നതായി കുട്ടികൾ പറയുന്നു. കുട്ടികൾക്ക് ക്ഷീണവും ഛർദിയും അനുഭവപ്പെട്ടതോടെ ആശുപത്രിയിലേക്ക് മാറ്റുകയായിരുന്നു. ആരും ഗുരുതരാവസ്ഥയിൽ ഇല്ലെന്നാണ് ആശുപത്രികളിൽ നിന്നും ലഭിക്കുന്ന വിവരം.
