മാധ്യമ പ്രവർത്തകനെ കള്ളക്കേസിൽ കുടുക്കി മർദിച്ച സംഭവം; ഒറ്റയാൾ പോരാട്ടവുമായി വയോധികൻ - protest of Human rights activist

മാധ്യമ പ്രവർത്തകൻ റൂബിൻ ലാലിനെ മർദിച്ച പൊലീസ്, വനം വകുപ്പ് ഉദ്യോഗസ്ഥരെ സർവീസിൽ നിന്നും പിരിച്ചുവിടണമെന്ന് ആവിശ്യപ്പെട്ടുകൊണ്ടാണ് മനുഷ്യ അവകാശ പ്രവർത്തകനായ കെ എൻ തങ്കപ്പൻ ആചാരി ഒറ്റയാൾ പോരാട്ടം ആരംഭിച്ചിരിക്കുന്നത്.

ഇടുക്കി: രാഷ്ട്രീയ സാമൂഹിക സാംസ്‌കാരിക രംഗത്ത് തന്‍റേതായ വ്യക്‌തി മുദ്ര പതിപ്പിക്കുകയും നിരവധി സമരങ്ങൾ നടത്തുകയും ചെയ്‌തിട്ടുള്ള വ്യക്‌തിയാണ്‌ ശാന്തൻപാറ സ്വദേശി കെ എൻ തങ്കപ്പൻ ആചാരി. മാധ്യമ പ്രവർത്തകൻ റൂബിൻ ലാലിനെ കള്ളക്കേസിൽ കുടുക്കി മർദിച്ച സംഭവത്തിലും വേറിട്ട ഒറ്റയാൾ സമരവുമായി രംഗത്ത് എത്തിയിരിക്കുകയാണ് ഈ വയോധികൻ.

റൂബിൻ ലാലിനെ കള്ളക്കേസിൽ കുടുക്കി മർദിച്ച പൊലീസ്, വനം വകുപ്പ് ഉദ്യോഗസ്ഥരെ സർവീസിൽ നിന്നും പിരിച്ചുവിടുക, ഇതിനു കൂട്ട നിന്ന സിസിഎഫ്, ഡിഎഫ്ഒ, ഡിവൈഎസ്‌പി എന്നിവരെ പരസ്യവിചാരണ ചെയ്യുക തുടങ്ങിയ ആവശ്യങ്ങൾ ഉന്നയിച്ചുകൊണ്ടാണ് ഒറ്റയാൾ പോരാട്ടം . ശാന്തൻപാറ ടൗണിന്‍റെ മധ്യത്തിൽ പ്ലക്കാർഡും കൈലേന്തി നിന്നുകൊണ്ടാണ് ഇദ്ദേഹം ഒറ്റയാൾ പ്രതിഷേധം സംഘടിപ്പിച്ചത്.