കോഴിക്കോട്: ശക്തമായ മഴയില്‍ കോഴിക്കോട് വീട്ടുമുറ്റത്തെ കിണര്‍ ഇടിഞ്ഞുതാഴ്‌ന്നു. കൊടിയത്തൂർ പഞ്ചായത്തിൽ ചെറുവാടി ആലുങ്ങലില്‍ തറയില്‍ മമ്മദിന്‍റെ വീട്ടുമുറ്റത്തെ കിണറാണ് ഇടിഞ്ഞത്. കിണറിന്‍റെ മുകള്‍ഭാഗം ഒന്നാകെ താഴ്‌ന്നുപോയ നിലയിലാണ്.
കിണറിനോട് ചേര്‍ന്ന് സ്ഥാപിച്ചിരുന്ന മോട്ടോറും നഷ്‌ടപ്പെട്ടു. കുടിവെള്ള ക്ഷാമം രൂക്ഷമായ ഈ ഭാഗത്തെ പ്രദേശവാസികള്‍ ഏറെ വര്‍ഷങ്ങളായി ഉപയോഗിക്കുന്ന കിണറാണ് ഇടിഞ്ഞുതാഴ്‌ന്നത്. കിണർ ഇടിഞ്ഞുതാഴുന്ന സമയത്ത് പരിസരത്ത് ആരുമില്ലാതിരുന്നതിനാൽ വലിയ അപകടമാണ് ഒഴിവായത്. അതേസമയം യാതൊരുവിധ അപകട ഭീഷണിയും ഇല്ലാതിരുന്ന കിണർ പെട്ടന്ന് ഇടിഞ്ഞ് താഴ്‌ന്നത് ആശങ്കയ്‌ക്കും ഇടയാക്കിയിട്ടുണ്ട്.
ALSO READ: വീട്ടിലെ കിളിക്കൂട്ടിൽ കയറി മൂർഖൻ പാമ്പ്; 20 കിളികളെ അകത്താക്കി
