എറണാകുളം: കൊച്ചി ചെല്ലാനത്ത് അനുമതിയില്ലാതെ കടലിൽ സിനിമ ഷൂട്ടിങ് നടത്തിയ ബോട്ടുകൾ പിടിച്ചെടുത്തു. തെലുങ്ക് സിനിമ ചിത്രീകരണത്തിനായി എത്തിയ രണ്ട് മത്സ്യബന്ധന ബോട്ടുകളാണ് കോസ്‌റ്റൽ പൊലീസ് പിടിച്ചെടുത്തത്. ബോട്ടുകൾ തുടർ പരിശോധനയ്ക്കായി ഫിഷറീസ് വകുപ്പിന് കൈമാറി.
അർത്തുങ്കൽ, ഫോർട്ടുകൊച്ചി കോസ്‌റ്റൽ പൊലീസാണ് മത്സ്യബന്ധനബോട്ടുകള്‍ കസ്‌റ്റഡിയിലെടുത്ത് ഫിഷറീസ് വകുപ്പിന് കൈമാറിയത്. ഇന്ത്യൻ കോസ്‌റ്റ് ഗാർഡിന്‍റെ സി വിജിൽ എക്‌സർസൈസിന്‍റെ ഭാഗമായി നടത്തിയ പരിശോധനയിലാണ് ബോട്ടുകൾ കണ്ടെത്തിയത്. തുടർന്ന് നടത്തിയ അന്വേഷണത്തിൽ ബോട്ടുകൾക്ക് ഫിഷറീസ് വകുപ്പിന്‍റെ അനുമതിയില്ലെന്ന് വ്യക്തമായി. ഹാർബറിൽ ചിത്രീകരണം നടത്താൻ ഇവർ അനുമതി നേടിയിരുന്നു. എന്നാൽ ആഴക്കടലിൽ ചിത്രീകരണത്തിന് അനുമതിയില്ലായിരുന്നു.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക
പിടിച്ചെടുത്ത ബോട്ടുകൾ വൈപ്പിൻ ഫിഷറീസ് ജെട്ടിയിൽ എത്തിച്ചു. നിയമപരമായ പെർമിറ്റ് ഇല്ലാത്ത ഈ ബോട്ടുകൾക്കെതിരെ പിഴ ഉൾപ്പെടെയുള്ള കർശനമായ നടപടികൾ ഫിഷറീസ് വകുപ്പ് സ്വീകരിക്കും. ഫിറ്റ്നസ് ഇല്ലാത്ത ബോട്ട് കടലിൽ ഇറക്കിയതിനും, അനുമതിയില്ലാതെ കടലിൽ സിനിമ ചിത്രീകരണം നടത്തിയതിനുമാണ് ബോട്ടുകൾക്കെതിരെ നടപടിയെടുക്കുക.
Also Read: കൊച്ചി വാട്ടര്‍ മെട്രോ ബോട്ടുകള്‍ കൂട്ടിയിടിച്ചു; പ്രശ്‌നമുണ്ടാക്കിയത് വ്ളോഗർമാരെന്ന് അധികൃതർ
