റോഡ് നിർമ്മാണ കമ്പനിയുടെ വാഹനം കാട്ടാന തകർത്തപ്പോൾ (ETV Bharat)
തൃശൂർ: അതിരപ്പിള്ളി ഷോളയാർ അമ്പലപ്പാറ റോഡ് നിർമ്മാണ കമ്പനിയുടെ വാഹനം കാട്ടാനക്കൂട്ടം തകർത്തു. കഴിഞ്ഞ രാത്രിയിലാണ് അമ്പലപ്പാറയിൽ കാട്ടാനക്കൂട്ടം ഇറങ്ങിയത്. റോഡ് നിർമ്മാണ കമ്പനിയുടെ ലോറിയും നിർമ്മാണ അനുബന്ധ സാമഗ്രികളും ജനറേറ്ററും ഉള്‍പ്പെടെയാണ് തകർത്തത്.
റോഡരികിൽ നിർമ്മാണ സാമഗ്രികളും വാഹനവും നിർത്തിയിട്ടിരിക്കുകയായിരുന്നു. ഇന്ന് രാവിലെ തൊഴിലാളികൾ എത്തിയപ്പോഴാണ് സംഭവം അറിഞ്ഞത്.
Also Read: മച്ചാട് ജനവാസ മേഖലയില്‍ വീണ്ടും കാട്ടാനയെത്തി: ആശങ്കയില്‍ നാട്ടുകാര്‍
