ഒളിവിൽ കഴിഞ്ഞ കൊലക്കേസ് പ്രതി പിടിയിൽ - criminal case accused arrested

നിരവധി കേസിൽ പ്രതിയായ മലയിൻകീഴ് സ്വദേശി സോഫിൻ(32) ആണ് അറസ്‌റ്റിലായത്. പ്രതി പലയിടങ്ങളിൽ ഒളിവിൽ കഴിഞ്ഞിരുന്നതെന്ന് സുഹൃത്തുക്കളുടെ സിം കാർഡുകളും മൊബൈലുകളും ഉപയോഗിച്ച്.

കൊല്ലം : ഒളിവിൽ കഴിഞ്ഞ കൊലപാതക കേസിലെ പ്രതി പൊലീസിൻ്റെ പിടിയിൽ. നിരവധി ക്രിമിനൽ കേസുകളിൽ പ്രതിയായ മലയിൻകീഴ്, വിളവൂർക്കൽ ശാന്തംമൂല, സോഫിൻ നിവാസിൽ സോഫിൻ (32) ആണ് പൊലീസിന്‍റെ പ്രത്യേക അന്വേഷ സംഘത്തിന്‍റെ പിടിയിലായത്.

അമ്പലത്തിൻകാല അജി കൊലപാതക കേസിൽ ഒളിവിൽ കഴിയുകയായിരുന്ന പ്രതി റൂറൽ എസ്‌പി കിരൺ നാരായൺ രൂപീകരിച്ച പ്രത്യേക അന്വേഷ സംഘത്തിന്‍റെ പിടിയിലാകുകയായിരുന്നു. ഇയാള്‍ ഒളിവിൽ കഴിഞ്ഞ ഇടങ്ങളില്‍ അന്വേഷണം നടത്തിവരവേയാണ് സോഫിന്‍ അരുവിക്കരയിൽ ഉണ്ടെന്ന രഹസ്യ വിവരം എസ്‌പിയ്ക്ക് ലഭിക്കുന്നത്.