കാർ പാടത്തേക്ക് മറിഞ്ഞു (ETV Bharat)
കോട്ടയം : കാർ നിയന്ത്രണം വിട്ട് പാടത്തേക്ക് മറിഞ്ഞു. യാത്രക്കാർ അത്ഭുതകരമായി രക്ഷപ്പെട്ടു. പനച്ചിക്കാട് ക്ഷേത്രം പുതുപ്പള്ളി റോഡിൽ അമ്പാട്ടുകടവിനക്കരെ കാരോത്തു കടവിൽ ഇന്നലെ വൈകുന്നേരമാണ് സംഭവം. കാർ നിയന്ത്രണം വിട്ട് നേരെ പാടത്തിലെ വെള്ളക്കെട്ടിലേക്ക് വീഴുകയായരുന്നു. എട്ട് മാസം പ്രായമുള്ള കൈക്കുഞ്ഞും മൂന്ന് വയസുള്ള കുട്ടിയുമുൾപ്പെടെയാണ് അപകടത്തിൽ പെട്ടത്.
ഇടിവി ഭാരത് കേരളം ഇനി വാട്‌സ്‌ആപ്പിലും
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക.
പാമ്പാടി വട്ടമലപ്പടി സ്വദേശികളായിരുന്നു ഇവർ. ഇവരെ നാട്ടുകാർ ചേർന്നാണ് രക്ഷപെടുത്തിയത്. ആമ്പൽ വസന്തം കാണാൻ എത്തിയ ആളുകളും നാട്ടുകാരും കടവിൽ ഉണ്ടായിരുന്നതിനാൽ അപകടത്തിൽ പെട്ടവരെ ഉടൻ രക്ഷപെടുത്തി. ഇത് വൻ ദുരന്തം ഒഴിവാക്കി. കാർ പിന്നീട് ക്രെയിൻ ഉപയോഗിച്ച് പൊക്കി മാറ്റി.
