കേപ്ടൗൺ: 2025ലെ ലോക ടെസ്റ്റ് ചാമ്പ്യൻഷിപ്പിന്‍റെ ഫൈനലിൽ ഓസ്‌ട്രേലിയയെ പരാജയപ്പെടുത്താന്‍ തന്‍റെ ടീമിന് കഴിയുമെന്ന ആത്മവിശ്വാസം പ്രകടിപ്പിച്ച് ദക്ഷിണാഫ്രിക്കൻ ഫാസ്റ്റ് ബൗളർ കാഗിസോ റബാഡ. ലോർഡ്‌സിൽ ഓസീസിനെ എങ്ങനെ തോൽപ്പിക്കണമെന്ന് പ്രോട്ടിസീന് അറിയാം- സൂപ്പർസ്പോർട്ടിലായിരുന്നു താരത്തിന്‍റെ വെല്ലുവിളി.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക.
തിങ്കളാഴ്ച കേപ്ടൗണിൽ പാകിസ്ഥാനെതിരെ നടന്ന രണ്ടാം ടെസ്റ്റിൽ ദക്ഷിണാഫ്രിക്ക 10 വിക്കറ്റിന് വിജയിച്ചിരുന്നു. രണ്ട് മത്സരങ്ങളുടെ ടെസ്റ്റ് പരമ്പരയിൽ പാകിസ്ഥാനെ 2-0 ന് പരാജയപ്പെടുത്തി ദക്ഷിണാഫ്രിക്ക ആദ്യമായി 2025 ലെ ലോക ടെസ്റ്റ് ചാമ്പ്യൻഷിപ്പിന്‍റെ ഫൈനലിൽ പ്രവേശിച്ചു.
പാകിസ്ഥാനെതിരായ മത്സരത്തില്‍ റബാഡ ആറ് വിക്കറ്റ് വീഴ്ത്തിയിരുന്നു. ' ലോക ടെസ്റ്റ് ചാമ്പ്യൻഷിപ്പ് ഫൈനൽ പോലെയുള്ള ഒരു വലിയ അവസരത്തിന് നിങ്ങൾ തയ്യാറായിരിക്കണം. ദക്ഷിണാഫ്രിക്കയും ഓസ്‌ട്രേലിയയും എല്ലായ്‌പ്പോഴും ഒരു നല്ല മത്സരമാണ്, കാരണം ഞങ്ങൾ കഠിനമായി കളിക്കുന്നുണ്ട്, അവർ ഞങ്ങൾക്ക് കടുത്ത മത്സരം നൽകുന്നുമെന്ന് ഞങ്ങൾക്കറിയാമെന്ന് റബാഡ പറഞ്ഞു.
ALSO READ: ഷമി ഓസ്‌ട്രേലിയയിൽ ഇന്ത്യൻ ടീമിന്‍റെ ഭാഗമാകേണ്ടതായിരുന്നുവെന്ന് രവി ശാസ്ത്രി - RAVI SHASTRI
അവരെ എങ്ങനെ പരാജയപ്പെടുത്തണമെന്നും അറിയാം. ഇപ്പോൾ കളിക്കുന്ന ടെസ്റ്റ് ക്രിക്കറ്റാണ് ഞങ്ങളുടെ ഏറ്റവും മികച്ച ഫോർമാറ്റ്. ദക്ഷിണാഫ്രിക്കൻ ക്രിക്കറ്റിനെയും നമ്മുടെ മുന്‍ താരങ്ങളേയും നോക്കുമ്പോൾ, അവരെല്ലാം മികച്ച ടെസ്റ്റ് ക്രിക്കറ്റർമാരായിരുന്നു.
ലോകത്തിലെ ഏറ്റവും മികച്ച കളിക്കാർ ടെസ്റ്റ് ക്രിക്കറ്റർമാരാണ്, പാക്കിസ്ഥാനെതിരായ ഈ പരമ്പര അതിശയകരമായിരുന്നുവെന്നും റബാഡ കൂട്ടിച്ചേര്‍ത്തു. ലോക ടെസ്റ്റ് ചാമ്പ്യൻഷിപ്പ് ഫൈനൽ 2025 ജൂൺ 11 മുതൽ 15 വരെ ലണ്ടനിലെ ലോർഡ്‌സില്‍ നടക്കും. ദക്ഷിണാഫ്രിക്ക 69.44 ശതമാനം നേടി പോയിന്‍റ് പട്ടികയിൽ നിലവില്‍ ഒന്നാം സ്ഥാനത്താണ്. ഓസ്‌ട്രേലിയ 63.73 പോയിന്‍റുമായി രണ്ടാം സ്ഥാനത്താണ്.
