ഇന്ത്യന്‍ ടെന്നീസ് റാണി സാനിയ മിർസയും ക്രിക്കറ്റര്‍ മുഹമ്മദ് ഷമിയും വിവാഹിതരാകുന്നുവെന്ന അഭ്യൂഹങ്ങള്‍ പ്രചരിക്കാന്‍ തുടങ്ങിയിട്ട് നാളേറെയായി. ഷൊയ്ബ് മാലിക്കുമായുള്ള വിവാഹ മോചന വാര്‍ത്ത പുറത്തെത്തിയതിന് പിന്നാലെയാണ് ഇത്തരം പ്രചാരങ്ങളും തുടങ്ങിയത്. ഇപ്പോഴിതാ അഭ്യൂഹങ്ങള്‍ക്കെതിരെ പ്രതികരിച്ച് സാനിയയുടെ പിതാവായ ഇമ്രാൻ രംഗത്ത് എത്തിയിരിക്കുകയാണ്.
'രാജ്യത്തെ പ്രശസ്‌തരായ രണ്ട് കായിക താരങ്ങളെക്കുറിച്ചാണ് അഭ്യൂഹങ്ങള്‍ പരക്കുന്നത്. ഇതു തീര്‍ത്തും അസംബന്ധമാണ്. സാനിയ ഷമിയെ കണ്ടിട്ട് പോലുമില്ല'- ഇമ്രാൻ ഒരു ദേശീയ മാധ്യമത്തോട് പ്രതികരിച്ചു. അതേസമയം ഈ വർഷം ആദ്യമാണ് സാനിയയും പാകിസ്ഥാൻ ക്രിക്കറ്റ് താരം ഷൊയ്ബ് മാലിക്കും വിവാഹ മോചിതരാകുന്നത്.
ഷമിയും ഭാര്യ ഹസിൻ ജഹാനുമായി വേർപിരിഞ്ഞിരുന്നു. ഈ അവസരത്തിലാണ് താരങ്ങളെ പറ്റിയുള്ള അഭ്യൂഹങ്ങള്‍ പ്രചരിക്കാന്‍ തുടങ്ങിയത്. 2023 ഏകദിന ലോകകപ്പിൽ ഇന്ത്യയുടെ ഹീറോയാണ് ഹീറോയാണ് ഷമി. ടീം ഫൈനലിലേക്ക് എത്തുന്നതില്‍ ഷമിയുടെ പ്രകടനം ഏറെ നിര്‍ണായകമായിരുന്നു. ലോകകപ്പിനിടെയേറ്റ പരിക്കില്‍ നിന്നും നിലവില്‍ തിരിച്ചുവരവിലാണ് ഷമി.
