ചെന്നൈ: ഇന്ത്യയും ബംഗ്ലാദേശും തമ്മിലുള്ള ആദ്യ ടെസ്റ്റിന്‍റെ മൂന്നാം ദിനം ഗ്രൗണ്ടിലുണ്ടായിരുന്നത് രസകരമായ സംഭവം. മൂന്നാം ദിവസത്തെ കളി 45 മിനിറ്റ് നേരത്തെ അവസാനിച്ചു. ഗ്രൗണ്ടിന് ചുറ്റും മേഘങ്ങൾ തടിച്ചുകൂടി. നിലത്ത് വെളിച്ചം കുറവായതിനാല്‍ കളി തുടരണോയെന്ന് അമ്പയർമാർ ചർച്ച ചെയ്യുകയാണ്. അതിനിടെ ക്യാപ്റ്റൻ രോഹിത് ശർമ്മ അമ്പയർമാരോട് പറഞ്ഞു, 'പേസർമാർക്ക് പകരം ഞങ്ങൾ സ്‌പിന്നർമാരെ കൊണ്ട് ബൗൾ ചെയ്യിപ്പിക്കാമെന്ന്.
എന്നാൽ ഓവർ തുടങ്ങിയ സിറാജ് രണ്ട് പന്തുകൾ എറിഞ്ഞു. രോഹിതിന്‍റെ വാക്കുകൾ കേട്ട് സിറാജ് ആ ഓവറിലെ ശേഷിക്കുന്ന നാല് പന്തുകൾ സ്‌പിന്‍ ബൗൾ ചെയ്യാൻ തയ്യാറായി. അത് ഉടൻ പരിശീലിച്ചു. എന്നാൽ കളി തുടരാൻ അമ്പയർ തയ്യാറായില്ല. ഇതോടെ മൂന്നാം ദിവസത്തെ കളി അവസാനിച്ചു. വൈറലായ ഈ വീഡിയോ കണ്ടവര്‍ തമാശ സിറാജ് എന്നാണ് കമന്‍റ് ചെയ്യുന്നത്.
— The Game Changer (@TheGame_26) September 21, 2024
ഇന്ത്യ-ബംഗ്ലദേശ് പരമ്പരയിലെ ആദ്യ ടെസ്റ്റ് മത്സരത്തിൽ ഇന്ത്യക്ക് തകർപ്പൻ ജയം. മത്സരത്തിന്‍റെ നാലാം ദിനം 280 റൺസിനാണ് ഇന്ത്യ ബംഗ്ലാദേശിനെ പരാജയപ്പെടുത്തിയത്. ഇന്ത്യ ഒന്നാം ഇന്നിംഗ്‌സിൽ 376 റൺസ് നേടിയപ്പോൾ ബംഗ്ലാദേശ് ക്രിക്കറ്റ് ടീം 149 റൺസിന് ഓൾഔട്ടായി. രണ്ടാം ഇന്നിംഗ്‌സിൽ ബംഗ്ലാദേശിന് 515 റൺസ് വിജയലക്ഷ്യത്തില്‍ 234 റൺസ് മാത്രമേ നേടാന്‍ കഴിഞ്ഞുള്ളു.
Also Read: വിജയ പ്രതീക്ഷയില്‍ കേരള ബ്ലാസ്റ്റേഴ്‌സ് ഇന്നിറങ്ങും; മത്സരം കൊച്ചിയില്‍ - ISL Kerala Blasters
