ഭാവിയിൽ തന്‍റെ മുന്‍ ബാഴ്‌സലോണ ടീമംഗങ്ങള്‍ക്കൊപ്പം വീണ്ടും ഒത്തുചേരാനുള്ള ആഗ്രഹം പ്രകടിപ്പിച്ച് ബ്രസീലിന്‍റെ സ്റ്റാർ ഫോർവേഡ് നെയ്മര്. സിഎന്‍എന്നിന് നല്‍കിയ അഭിമുഖത്തില്‍ സംസാരിക്കുന്നതിനിടെയാണ് മെസ്സി-സുവാരസ്-നെയ്മര് (എംഎസ്എന്‍) ത്രയം വീണ്ടും ഒന്നിക്കാനുള്ള സാധ്യതയെ കുറിച്ച് താരം മനസ് തുറന്നത്.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക.
സൗദി ക്ലബ്ബായ അല്‍ ഹിലാലില്‍ നിന്ന് മെസ്സിയും സുവാരസും ഇപ്പോള്‍ കളിക്കുന്ന ക്ലബ്ബായ ഇന്‍റര്‍ മയാമിയിലേയ്ക്ക് ചേക്കേറുന്നതിനെ കുറിച്ചുള്ള സാധ്യതയെ കുറിച്ചും നെയ്മര് സംസാരിച്ചു. 'മെസ്സിക്കും സുവാരസിനും ഒപ്പം വീണ്ടും കളിക്കുന്നത് അവിശ്വസനീയമായിരിക്കും. അവർ എന്‍റെ സുഹൃത്തുക്കളാണ്. ഞങ്ങൾ ഇപ്പോഴും പരസ്പരം സംസാരിക്കാറുണ്ട്. മൂന്നുപേരും വീണ്ടും ഒരുമിക്കുന്നത് രസകരമായിരിക്കും. ഞാൻ അൽ-ഹിലാലിലും സൗദിയിലും സന്തോഷവാനാണ്, പക്ഷേ ആർക്കറിയാം ഭാവിയില്‍ എന്ത് സംഭവിക്കുമെന്ന്. ഫുട്ബോള് സര്‍പ്രൈസുകള്‍ നിറഞ്ഞതാണ്, നെയ്മർ പറഞ്ഞു.
🚨 Neymar on recreating the MSN with Messi and Suárez at Inter Miami: “The reunion with Messi and Suarez would be incredible!”.
— Fabrizio Romano (@FabrizioRomano) January 7, 2025
“They are my friends, we still speak to each other. It’d be interesting to revive this trio. I’m happy at Al Hilal, but you never know in football”. pic.twitter.com/N9PLpEmnOK
ബാഴ്‌സലോണയുടെ എക്കാലത്തെയും സൂപ്പര്‍ കോംബോയാണ് എംഎസ്എൻ ത്രയം എന്നറിയപ്പെടുന്ന മെസ്സി, സുവാരസ്, നെയ്മർ. 2014-15 സീസണിൽ മൂന്ന് സൗത്ത് അമേരിക്കൻ ഫുട്ബോള് രാജാക്കന്മാര്‍ ബാഴ്‌സലോണയുടെ ഏറ്റവും ശക്തമായ ആക്രമണ ത്രയങ്ങളിൽ ഒന്നായി മാറി. 2017 വരെ കാലത്ത് 364 ഗോളുകളാണ് എംഎസ്എൻ ടീമിനായി സ്വന്തമാക്കിയത്.
പിന്നാലെ 2017ൽ 222 മില്യൺ യൂറോയ്ക്ക് (230.39 മില്യൺ ഡോളർ) നെയ്മർ ബാഴ്‌സലോണയിൽ നിന്ന് പിഎസ്‌ജിയിലേക്ക് മാറിയതോടെയാണ് ഈ കൂട്ടുകെട്ട് തകർന്നത്. വൈകാതെ ബാഴ്‌സയില്‍ നിന്നു മെസ്സിയും പിഎസ്‌ജിയിലേക്കു ചേക്കേറി.
എന്നാല്‍ ഒട്ടും പ്രതീക്ഷിക്കാതെ മെസി അമേരിക്കയിലെ ഇന്‍റര്‍ മയാമിയിലേക്കും നെയ്മര് അല്‍ഹിലാലിലും പോയി. കഴിഞ്ഞ സീസണിൽ മെസ്സിക്കൊപ്പം സുവാരസും ചേർന്നു. കൂടാതെ ജോർഡി ആൽബയും സെർജിയോ ബുസ്‌ക്വെറ്റ്‌സുമാണ് നിലവിൽ മിയാമിക്കായി കളിക്കുന്ന മറ്റ് രണ്ട് മുൻ ബാഴ്‌സലോണ താരങ്ങളാണ്.
