ന്യൂഡൽഹി: ഐസിസി ചാമ്പ്യൻസ് ട്രോഫി ക്രിക്കറ്റ് ടൂര്‍ണമെന്‍റിന് ഇന്ന് തുടക്കമാകും. ഏകദിന ഫോർമാറ്റിലെ ഏറ്റവും മികച്ച 8 ടീമുകളാണ് മത്സരത്തിനൊരുങ്ങുന്നത്. നിലവിലെ ചാമ്പ്യന്മാരായ പാകിസ്ഥാനാണ് മത്സരങ്ങള്‍ക്ക് ആതിഥേയത്വം വഹിക്കുന്നത്. ഇന്ത്യ തങ്ങളുടെ എല്ലാ മത്സരങ്ങളും ദുബായിൽ കളിക്കും. കറാച്ചിയിൽ ഇന്ന് നടക്കുന്ന ഉദ്ഘാടന മത്സരത്തിൽ പാകിസ്ഥാൻ ന്യൂസിലൻഡിനെ നേരിടും. നാളെ (ഫെബ്രുവരി 20) ദുബായിൽ ബംഗ്ലാദേശിനെതിരെയാണ് ഇന്ത്യയുടെ ആദ്യ മത്സരം.
ചാമ്പ്യൻസ് ട്രോഫിയിലെ 8 ടീമുകള്‍
ഗ്രൂപ്പ് എ: പാകിസ്ഥാൻ, ഇന്ത്യ, ബംഗ്ലാദേശ്, ന്യൂസിലാൻഡ്.
ഗ്രൂപ്പ് ബി: ഓസ്ട്രേലിയ, അഫ്ഗാനിസ്ഥാൻ, ഇംഗ്ലണ്ട്, ദക്ഷിണാഫ്രിക്ക.
The captains. The challenge. The pursuit for glory!
— ICC (@ICC) February 18, 2025
It’s All on the Line at #ChampionsTrophy 2025 🏆 pic.twitter.com/NreHUPrcyL
എല്ലാ ടീമുകളുടെയും സ്ക്വാഡ്
ഗ്രൂപ്പ് എയിലെ 4 ടീമുകള്‍:
- ഇന്ത്യ: രോഹിത് ശർമ്മ (ക്യാപ്റ്റൻ), ശുഭ്‌മൻ ഗിൽ, വിരാട് കോലി, ശ്രേയസ് അയ്യർ, കെ.എൽ രാഹുൽ, ഋഷഭ് പന്ത്, ഹാർദിക് പാണ്ഡ്യ, അക്‌സർ പട്ടേൽ, വാഷിങ്‌ടൺ സുന്ദർ, കുൽദീപ് യാദവ്, ഹർഷിത് റാണ, മുഹമ്മദ്. ഷമി, അർഷ്‌ദീപ് സിംഗ്, രവീന്ദ്ര ജഡേജ, വരുൺ ചക്രവർത്തി.
- ബംഗ്ലാദേശ്: നസ്‌മുൾ ഹൊസൈൻ ഷാന്‍റോ (ക്യാപ്റ്റൻ), സൗമ്യ സർക്കാർ, തൻസിദ് ഹസൻ, തൗഹീദ് ഹൃദോയ്, മുഷ്‌ഫിഖുർ റഹിം, എംഡി മഹ്മുദുള്ള, സാക്കർ അലി അനിക്, മെഹ്ദി ഹസൻ മിറാസ്, റിഷാദ് ഹൊസൈൻ, തസ്‌കിൻ അഹമ്മദ്, മുസ്‌തഫിസുർ റഹ്മാൻ, പർവേസ് ഹൊസൈൻ എമോൺ, നസും അഹമ്മദ്, തൻസിം ഹസൻ സാകിബ്, നഹിദ് റാണ.
- ന്യൂസിലൻഡ്: മിച്ചൽ സാന്‍റ്‌നർ (ക്യാപ്റ്റൻ), മൈക്കൽ ബ്രേസ്‌വെൽ, മാർക്ക് ചാപ്മാൻ, ഡെവൺ കോൺവേ, ലോക്കി ഫെർഗൂസൺ, മാറ്റ് ഹെൻറി, ടോം ലാതം, ഡാരിൽ മിച്ചൽ, വിൽ ഒറൂർക്ക്, ഗ്ലെൻ ഫിലിപ്‌സ്, രച്ചിൻ രവീന്ദ്ര, നഥാൻ സ്മിത്ത്, കെയ്ൻ വില്യംസൺ, വിൽ യംഗ്, ജേക്കബ് ഡഫി.
- പാകിസ്ഥാൻ: മുഹമ്മദ് റിസ്വാൻ (ക്യാപ്റ്റൻ), ബാബർ അസം, ഫഖർ സമാന്‍, കമ്രാൻ ഗുലാം, സൗദ് ഷക്കീൽ, തയ്യാബ് താഹിർ, ഫഹീം അഷ്‌റഫ്, ഖുഷ്ദിൽ ഷാ, സൽമാൻ അലി ആഗ, ഉസ്മാൻ ഖാൻ, അബ്രാർ അഹമ്മദ്, ഹാരിസ് റൗഫ്, മുഹമ്മദ് ഹസ്‌നൈൻ, നസീം ഷാ, ഷഹീൻ ഷാ അഫ്രീദി.
ഗ്രൂപ്പ് ബിയിലെ 4 ടീമുകള്‍
- അഫ്ഗാനിസ്ഥാൻ: ഹഷ്‌മത്തുള്ള ഷാഹിദി (ക്യാപ്റ്റൻ), ഇബ്രാഹിം സദ്രാൻ, റഹ്മാനുള്ള ഗുർബാസ്, സെദിഖുള്ള അടൽ, റഹ്മത്ത് ഷാ, ഇക്രം അലിഖിൽ, ഗുൽബാദിൻ നായിബ്, അസ്‌മത്തുള്ള ഉമർസായി, മുഹമ്മദ് നബി, റാഷിദ് ഖാൻ, നംഗ്യാൽ ഖരോട്ടി, നൂർ അഹമ്മദ്, ഫസൽഹഖ് ഫാറൂഖി, ഫരീദ് മാലിക്, നവീദ് സദ്രാൻ. റിസർവ്വ്: ദർവേഷ് റസൂലി, ബിലാൽ സാമി.
- ഇംഗ്ലണ്ട്: ജോസ് ബട്‌ലർ (ക്യാപ്റ്റൻ), ജോഫ്ര ആർച്ചർ, ഗസ് ആറ്റ്കിൻസൺ, ടോം ബാന്‍റൺ, ഹാരി ബ്രൂക്ക്, ബ്രൈഡൺ കാർസ്, ബെൻ ഡക്കറ്റ്, ജാമി ഓവർട്ടൺ, ജാമി സ്മിത്ത്, ലിയാം ലിവിംഗ്‌സ്റ്റൺ, ആദിൽ റാഷിദ്, ജോ റൂട്ട്, സാഖിബ് മഹമൂദ്, ഫിൽ സാൾട്ട്, മാർക്ക് വുഡ്.
- ഓസ്ട്രേലിയ: സ്റ്റീവ് സ്മിത്ത് (ക്യാപ്റ്റൻ), ഷോൺ അബോട്ട്, അലക്‌സ് കാരി, ബെൻ ദ്വാർഷിസ്, നഥാൻ എല്ലിസ്, ജെയ്ക്ക് ഫ്രേസർ-മക്ഗുർക്ക്, ആരോൺ ഹാർഡി, ട്രാവിസ് ഹെഡ്, ജോഷ് ഇംഗ്ലിസ്, സ്പെൻസർ ജോൺസൺ, മാർനസ് ലാബുഷാഗ്നെ, ഗ്ലെൻ മാക്സ്വെൽ, തൻവീർ സംഘ, മാത്യു ഷോർട്ട്, ആദം സാംപ. ട്രാവലിംഗ് റിസർവ്: കൂപ്പർ കോണോളി.
- ദക്ഷിണാഫ്രിക്ക: ടെംബ ബവുമ (ക്യാപ്റ്റൻ), ടോണി ഡി സോർസി, മാർക്കോ ജാൻസെൻ, ഹെൻറിച്ച് ക്ലാസൻ, കേശവ് മഹാരാജ്, ഐഡൻ മാർക്രം, ഡേവിഡ് മില്ലർ, വിയാൻ മുൾഡർ, ലുങ്കി എൻഗിഡി, കാഗിസോ റബാഡ, റയാൻ റിക്കിൾട്ടൺ, തബ്രൈസ് ഷംസി, ട്രിസ്റ്റൻ സ്റ്റബ്സ്, റാസി വാൻ ഡെർ ഡുസെൻ, കോർബിൻ ബോഷ്, ട്രാവലിംഗ് റിസർവ്: ക്വേന എംഫാക്ക.
ചാമ്പ്യൻസ് ട്രോഫിയുടെ ഫോർമാറ്റ്
2006 ൽ എട്ട് ടീമുകളെ ഉൾപ്പെടുത്തിയതിനുശേഷം ടൂർണമെന്‍റിന്‍റെ ഫോർമാറ്റ് അതേപടി തുടരുന്നു. എട്ട് ടീമുകളെയും നാല് വീതം ടീമുകളുള്ള രണ്ട് ഗ്രൂപ്പുകളായി തിരിച്ചിരിക്കുന്നു. ഓരോ ടീമും ഗ്രൂപ്പിലെ മറ്റ് എല്ലാ ടീമുകളുമായും ഒരു തവണ കളിക്കും. ഓരോ ഗ്രൂപ്പിലെയും മികച്ച രണ്ട് ടീമുകൾ സെമി ഫൈനലിലേക്ക് മുന്നേറും.
🔹 Groups and squads
— ICC (@ICC) February 16, 2025
🔹 Prize money and key dates
🔹 How to watch live
Your one-stop guide for #ChampionsTrophy 2025 ⬇️https://t.co/fabqi7qQO7
ചാമ്പ്യൻസ് ട്രോഫി സമ്മാനത്തുക
എട്ട് ടീമുകൾ 2.24 മില്യൺ യുഎസ് ഡോളർ ഗ്രാൻഡ് പ്രൈസിനായി മത്സരിക്കും. രണ്ടാം സ്ഥാനക്കാർക്ക് 1.12 മില്യൺ ഡോളറും സെമി ഫൈനലിൽ തോൽക്കുന്നവർക്ക് 560,000 ഡോളറും ലഭിക്കും. 2017 ലെ പതിപ്പിനെ അപേക്ഷിച്ച് ആകെ സമ്മാനത്തുക 53 ശതമാനം വർദ്ധിച്ച് 6.9 മില്യൺ ഡോളറായി. വിജയിക്കുന്ന ടീമിന് ഏകദേശം 20 കോടി രൂപ ലഭിക്കും.
ചാമ്പ്യൻസ് ട്രോഫി ഷെഡ്യൂള്‍
- ഫെബ്രുവരി 19, പാകിസ്ഥാൻ vs ന്യൂസിലൻഡ് (കറാച്ചി, പാകിസ്ഥാൻ)
- ഫെബ്രുവരി 20, ബംഗ്ലാദേശ് vs ഇന്ത്യ, ദുബായ്
- ഫെബ്രുവരി 21, അഫ്ഗാനിസ്ഥാൻ vs ദക്ഷിണാഫ്രിക്ക (കറാച്ചി, പാകിസ്ഥാൻ)
- ഫെബ്രുവരി 22, ഓസ്ട്രേലിയ v ഇംഗ്ലണ്ട് ( ലാഹോർ, പാകിസ്ഥാൻ)
- ഫെബ്രുവരി 23, പാകിസ്ഥാൻ vs ഇന്ത്യ (ദുബായ്)
- ഫെബ്രുവരി 24, ബംഗ്ലാദേശ് v ന്യൂസിലാൻഡ് (റാവൽപിണ്ടി, പാകിസ്ഥാൻ)
- ഫെബ്രുവരി 25, ഓസ്ട്രേലിയ v ദക്ഷിണാഫ്രിക്ക (റാവൽപിണ്ടി, പാകിസ്ഥാൻ)
- ഫെബ്രുവരി 26, അഫ്ഗാനിസ്ഥാൻ vs ഇംഗ്ലണ്ട് (ലാഹോർ, പാകിസ്ഥാൻ)
- ഫെബ്രുവരി 27, പാകിസ്ഥാൻ vs ബംഗ്ലാദേശ് (റാവൽപിണ്ടി, പാകിസ്ഥാൻ)
- ഫെബ്രുവരി 28, അഫ്ഗാനിസ്ഥാൻ v ഓസ്ട്രേലിയ (ലാഹോർ, പാകിസ്ഥാൻ)
- മാർച്ച് 1, ദക്ഷിണാഫ്രിക്ക v ഇംഗ്ലണ്ട് (കറാച്ചി, പാകിസ്ഥാൻ)
- മാർച്ച് 2, ന്യൂസിലൻഡ് vs ഇന്ത്യ (ദുബായ്)
- മാർച്ച് 4, സെമി-ഫൈനൽ 1, ദുബായ്
- മാർച്ച് 5, സെമി-ഫൈനൽ 2, (ലാഹോർ, പാകിസ്ഥാൻ)
- മാർച്ച് 9, ഫൈനൽ, ലാഹോർ (ഇന്ത്യ യോഗ്യത നേടിയില്ലെങ്കിൽ പാകിസ്ഥാനിലും, ഇന്ത്യ യോഗ്യത നേടിയാൽ ദുബായിലും കളിക്കും)
- മാർച്ച് 10, റിസർവ് ദിനം (ഫൈനലിനുള്ള റിസർവ് ദിനം)
മത്സരങ്ങളെല്ലാം ഇന്ത്യൻ സമയം ഉച്ചയ്ക്ക് 2:30 മുതൽ നടക്കും.
2025 ചാമ്പ്യൻസ് ട്രോഫിയുടെ തത്സമയ മത്സരങ്ങൾ എവിടെ കാണാം..?
ഇന്ത്യ: ജിയോസ്റ്റാർ (ജിയോ ഹോട്ട്സ്റ്റാറിൽ ലൈവ് സ്ട്രീമിംഗ്, സ്റ്റാർ, നെറ്റ്‌വർക്ക് 18 ചാനലുകളിൽ ടെലിവിഷൻ കവറേജ്)
