'കോലിയെ എങ്ങനെ പുറത്താക്കണമെന്ന് ബസ് ഡ്രൈവർക്ക് പോലും അറിയാം'; വെളിപ്പെടുത്തി ഹിമാൻഷു

രഞ്ജി മത്സരത്തിൽ കോലിയെ പുറത്താക്കിയതോടെ റെയിൽവേസ് പേസർ ഹിമാൻഷു സാങ്‌വാനും പ്രശസ്‌തനായി

ന്യൂഡൽഹി: അരുൺ ജെയ്റ്റ്‌ലി സ്റ്റേഡിയത്തിൽ ഡൽഹിക്കെതിരായ രഞ്ജി മത്സരത്തിൽ ഇന്ത്യയുടെ സ്റ്റാർ ബാറ്റര്‍ വിരാട് കോലിയെ പുറത്താക്കിയതോടെ റെയിൽവേസ് പേസർ ഹിമാൻഷു സാങ്‌വാൻ ഒറ്റരാത്രികൊണ്ട് പ്രശസ്തനായി. 12 വർഷത്തിന് ശേഷം രഞ്ജിയിൽ തിരിച്ചുവരവ് നടത്തിയ കോലി സ്വന്തം മൈതാനത്ത് കളിക്കുന്നത് കാണാൻ നിരവധി ആരാധകരാണ് സ്റ്റേഡിയത്തിൽ തടിച്ചുകൂടിയത്. എന്നാല്‍ ആദ്യ ഇന്നിങ്‌സില്‍ വെറും 6 റൺസിന് വിരാട് പുറത്തായതിൽ കാണികള്‍ നിരാശരായി.

ബസ് ഡ്രൈവർക്ക് പോലും കോലിയുടെ ബലഹീനത അറിയാം

സാങ്‌വാൻ ഹിന്ദുസ്ഥാൻ ടൈംസിനോട് പറഞ്ഞു, 'മത്സരത്തിന് മുമ്പ്, വിരാട് കോലിയും ഋഷഭ് പന്തും ഡൽഹിക്ക് വേണ്ടി കളിക്കുന്നതിനെക്കുറിച്ച് സംസാരമുണ്ടായിരുന്നു. ആ സമയത്ത്, മത്സരം തത്സമയം സംപ്രേഷണം ചെയ്യുമെന്ന് ഞങ്ങൾക്ക് അറിയില്ലായിരുന്നു.

ഋഷഭ് പന്ത് കളിക്കില്ലെന്ന് ക്രമേണ മനസ്സിലാക്കി, പക്ഷേ വിരാട് കളിക്കുമെന്നും മത്സരം തത്സമയം സംപ്രേഷണം ചെയ്യുമെന്നും പിന്നീട് അറിഞ്ഞു. റെയിൽവേസിന്‍റെ ഫാസ്റ്റ് ബൗളിംഗ് ആക്രമണത്തിന് നേതൃത്വം നൽകുന്നത് ഞാനാണ്. കോലിയെ ഞാന്‍ പുറത്താക്കുമെന്ന് ടീമിലെ എല്ലാ അംഗങ്ങളും എന്നോട് പറഞ്ഞിരുന്നു.

ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക

Virat kohli 2 balls in Domestic cricket after 13 years#viratkohli #kingkohli pic.twitter.com/t6Z3thOaek

— tayyaba Fatima (@Sweetheart_804) January 31, 2025

'ഞങ്ങൾ സഞ്ചരിച്ചിരുന്ന ബസിലെ ഡ്രൈവർ പോലും എന്നോട് പറഞ്ഞു, നിങ്ങൾ കോലിക്കെതിരേ എങ്ങനെ പന്തെറിയണമെന്ന്, അപ്പോൾ അദ്ദേഹം പുറത്താകുമെന്നും.' എന്നാല്‍ എനിക്ക് എന്നിൽ തന്നെ ആത്മവിശ്വാസമുണ്ടായിരുന്നു. മറ്റുള്ളവരുടെ ബലഹീനതകളിൽ ശ്രദ്ധ കേന്ദ്രീകരിക്കുന്നതിനുപകരം എന്‍റെ ശക്തികളിൽ ശ്രദ്ധ കേന്ദ്രീകരിക്കാൻ ഞാൻ ആഗ്രഹിച്ചു. അതിനനുസരിച്ച് ഞാൻ പന്തെറിഞ്ഞു, വിക്കറ്റ് നേടുകയും ചെയ്‌തുവെന്ന് സാങ്‌വാന്‍ പറഞ്ഞു.

കോലിയെ പുറത്താക്കിയത് ജീവിതത്തിലെ ഏറ്റവും വലിയ വിക്കറ്റായി കണക്കാക്കുന്ന ഹിമാൻഷു സാങ്‌വാൻ , തന്‍റെ മികച്ച പന്തിന് ഇന്ത്യൻ താരം തന്നെ പ്രശംസിച്ചിരുന്നതായും വെളിപ്പെടുത്തി. 'ഞാൻ പന്ത് കോലിക്ക് ഒപ്പിടാൻ കൊടുത്തപ്പോൾ, അദ്ദേഹം ചോദിച്ചു, 'എന്നെ പുറത്താക്കിയ അതേ പന്താണോ ഇത്?' എന്തൊരു പന്തായിരുന്നു അത്, സുഹൃത്തേ, എനിക്ക് അത് നന്നായി ഇഷ്ടപ്പെട്ടു. നീ വളരെ മികച്ച ഒരു ബൗളറാണ്. കഠിനാധ്വാനം ചെയ്തുകൊണ്ടിരിക്കുക. ഭാവിക്ക് ആശംസകള്‍, കോലി പറഞ്ഞതായി സാങ്‌വാന്‍ വെളിപ്പെടുത്തി.

Himanshu Sangwan gets ball signed by Virat Kohli❤️#ViratKohli | #RanjiTrophy pic.twitter.com/fu6FK9E2R9

— 𝙒𝙧𝙤𝙜𝙣🥂 (@wrognxvirat) February 2, 2025