ലണ്ടൻ: മാഞ്ചസ്റ്റര് സിറ്റി ഫുട്ബോൾ താരം കൈൽ വാക്കറും ഭാര്യ ആനി കിൽനറും വേര്പിരിയാനൊരുങ്ങുന്നു. താരത്തിൽനിന്ന് വിവാഹമോചനം ആവശ്യപ്പെട്ട് ആനി അപേക്ഷ നൽകിയതായി റിപ്പോർട്ട്. മോഡൽ ലോറിൻ ഗുഡ്നുമായുള്ള വാക്കറിന്റെ ബന്ധത്തിന് പിന്നാലെ കിൽനറും വാക്കറും തമ്മിലുള്ള ബന്ധം വഷളാവുകയായിരുന്നു. 2022 ലാണ് കൈൽ വാക്കറും ആനി കിൽനറും വിവാഹിതരായത്. ഹോം-ടൗൺ ക്ലബ് ഷെഫീൽഡ് യുണൈറ്റഡിനായി കളിക്കുമ്പോഴാണ് ഇരുവരും കണ്ടുമുട്ടിയത്.
ഇരുവരും തമ്മിലുള്ള പ്രശ്നങ്ങളെ തുടര്ന്ന് തനിക്കും മക്കൾക്കും ജീവിക്കാനായി കൈൽ വാക്കറുടെ സ്വത്തിന്റെ പകുതി വേണമെന്ന് ആവശ്യപ്പെട്ട് ആനി നിയമനടപടിക്ക് തുടക്കം കുറിച്ചു. കൈൽ വാക്കറിന് മുന്നൂറു കോടിയിലേറെ ആസ്തിയുണ്ടെന്നാണു റിപ്പോര്ട്ട്.
ലോറിനുമായുള്ള ബന്ധമാണ് കൈൽ വാക്കറുടെ വിവാഹ ജീവിതം മോശമായത്. ലോറിന് രണ്ടാമത്തെ കുഞ്ഞ് ജനിച്ചതോടെയാണ് ആനി കില്നര് നിയമനടപടി സ്വീകരിക്കാൻ തീരുമാനിച്ചത്. ഇരുവരും തമ്മിലുള്ള പ്രശ്നങ്ങളെ തുടര്ന്ന് വീടിന്റെ മുകൾ നിലയിലെ ചെറിയ മുറിയിലാണ് മാഞ്ചസ്റ്റര് താരം താമസിച്ചിരുന്നതെന്നും റിപ്പോർട്ടുകളുണ്ട്.
Kyle Walker's wife Annie Kilner isn't messing about pic.twitter.com/UGqz4WducZ
— The Sun (@TheSun) October 11, 2024
വിവാഹമോചന നിയമനടപടികൾക്കായി ഭാര്യ അയച്ച പേപ്പറുകൾ കയ്യിൽ കിട്ടിയ വാക്കർ ഞെട്ടിപ്പോയതായും, വൈകാരികമായി പ്രതികരിച്ചതായാണ് റിപ്പോർട്ട്. ഭാര്യയുമായി താരം ചർച്ച നടത്തിയെങ്കിലും വിവാഹ മോചനം വേണമെന്ന നിലപാടിലാണ് ആനി. ദമ്പതികള്ക്ക് മൂന്നു മക്കളാണുള്ളത്.
ഇടിവി ഭാരത് കേരള വാട്സ്ആപ്പ് ചാനലില് ജോയിന് ചെയ്യാം
2017ലാണ് കൈൽ വാക്കർ മാഞ്ചസ്റ്റർ സിറ്റിയിൽ ചേരുന്നത്. 2026 ജൂൺ വരെ താരത്തിനു ക്ലബ്ബുമായി കരാറുണ്ട്. ഇംഗ്ലണ്ട് ടീമിൽ 2011 ൽ അരങ്ങേറ്റം കുറിച്ച താരം 90 രാജ്യാന്തര മത്സരങ്ങളാണ് കളിച്ചത്.