ന്യൂഡൽഹി: ഇംഗ്ലണ്ടും ശ്രീലങ്കയും തമ്മിൽ മൂന്ന് മത്സരങ്ങളടങ്ങിയ ടെസ്റ്റ് പരമ്പരയിലെ ആദ്യ മത്സരത്തിൽ നാലാം ദിനം ഇംഗ്ലണ്ട് അഞ്ച് വിക്കറ്റിന് ശ്രീലങ്കയെ പരാജയപ്പെടുത്തി. ഇംഗ്ലണ്ടിനായി സെഞ്ച്വറി നേടിയ ജാമി സ്‌മിത്ത് പ്ലെയർ ഓഫ് ദി മാച്ച് ആയി തിരഞ്ഞെടുക്കപ്പെട്ടു. 205 റൺസ് വിജയലക്ഷ്യം പിന്തുടർന്ന ഇംഗ്ലണ്ടിന് മോശം തുടക്കത്തിന് ശേഷം ജോ റൂട്ട് 108 പന്തിൽ അർധ സെഞ്ച്വറി തികക്കുകയും ടീമിനെ വിജയത്തിലെത്തിക്കുകയും ചെയ്‌തു.
Root holds nerve to steer Three Lions through to victory in Manchester 🏏
— England Cricket (@englandcricket) August 24, 2024
Full Day Four highlights 👇
🏴 #ENGvSL 🇱🇰 #EnglandCricket
ജോ റൂട്ടും ജാമി സ്‌മിത്തും ചേർന്ന് നേടിയ 64 റൺസിന്‍റെ കൂട്ടുകെട്ടിന്‍റെ പിൻബലത്തിൽ ഓൾഡ് ട്രാഫോർഡിൽ നടന്ന മത്സരത്തിൽ ഇംഗ്ലണ്ടിന് വിജയം നേടാനായി.11 റൺസിന് ഓപ്പണർ ബെൻ ഡക്കറ്റിനെയാണ് ആതിഥേയ ടീമിന് ആദ്യം നഷ്‌ടമായത്. പിന്നാലെ ക്യാപ്റ്റൻ ഒല്ലി പോപ്പും പുറത്തായി. പിന്നീട് മിലൻ രത്‌നായകെ 34 റൺസിന് ഡാൻ ലോറൻസിനെ എൽബിഡബ്ല്യു പുറത്താക്കി. റൂട്ടിനൊപ്പം 49 റൺസിന്‍റെ കൂട്ടുകെട്ടിൽ ഹാരി ബ്രൂക്ക് 32 റൺസ് നേടി.
നേരത്തെ മത്സരത്തിൽ ആദ്യം ബാറ്റ് ചെയ്യാനിറങ്ങിയ ലങ്കൻ ടീം ഒന്നാം ഇന്നിംഗ്‌സിൽ 236 റൺസിന് പുറത്തായിരുന്നു. മറുപടി ബാറ്റിങ്ങിനിറങ്ങിയ ഇംഗ്ലണ്ട് ജാമി സ്‌മിത്തിന്‍റെ സെഞ്ചുറിയുടെ പിൻബലത്തിൽ 358 റൺസ് നേടി.
രണ്ടാം ഇന്നിങ്സിൽ ശ്രീലങ്കയ്ക്ക് 326 റൺസെടുക്കാനെ കഴിഞ്ഞുള്ളൂ. അത് ഇംഗ്ലണ്ടിന് 205 റൺസിന്‍റെ നിസാര വിജയലക്ഷ്യം നൽകി. അഞ്ച് വിക്കറ്റ് നഷ്ടത്തിൽ ടീം അനായാസം വിജയിക്കുകയും ചെയ്‌തു. പരമ്പരയിലെ അടുത്ത മത്സരം ഓഗസ്റ്റ് 29ന് ഇംഗ്ലണ്ടിൽ നടക്കും.
