ന്യൂയോർക്ക്: മൂന്ന് തവണ ഗ്രാൻഡ് സ്ലാം ചാമ്പ്യനായ കാർലോസ് അൽകാരാസ് യുഎസ് ഓപ്പണിൽ നിന്നും പുറത്തായി.ലോക 74-ാം നമ്പർ താരം ബോട്ടിക് വാൻ ഡി സാൻസ്‌ചല്‍പ് രണ്ടാം റൗണ്ടില്‍ അൽകാരാസിനെ നേരിട്ടുള്ള മൂന്ന് സെറ്റുകൾക്ക് പരാജയപ്പെടുത്തി. 2021 വിംബിൾഡണിന് ശേഷം ഡാനിൽ മെദ്‌വദേവിനോട് തോറ്റ അൽകാരസിന്‍റെ ആദ്യ ഗ്രാൻഡ് സ്ലാമിൽ നിന്നുള്ള പുറത്താകലാണിത്.
Botic van de Zandschulp just knocked Carlos Alcaraz out of the US Open! pic.twitter.com/QK3ZrkoPgx
— US Open Tennis (@usopen) August 30, 2024
6-1, 7-5, 6-4 എന്ന സ്‌കോറിന് സാൻസ്‌ചൽപിന് കളി അവസാനിപ്പിക്കാൻ ഒരു മണിക്കൂറും 19 മിനിറ്റും വേണ്ടി വന്നു. ഈ മത്സരത്തിന് മുമ്പ് അൽകാരസിനെതിരെ രണ്ട് മത്സരങ്ങൾ കളിച്ച താരം രണ്ടിലും പരാജയപ്പെട്ടു. രണ്ട് മത്സരങ്ങളിലും ഒരു സെറ്റ് പോലും ജയിക്കാനായില്ല, എന്നാൽ വിജയത്തിലേക്ക് സാൻസ്‌ചല്‍പ് ശക്തമായി പ്രകടനം നടത്തി.
BOTIC VAN DE ZAND-STUNNER pic.twitter.com/3z1U95zJhP
— US Open Tennis (@usopen) August 30, 2024
ആദ്യ സെറ്റ് പ്രശ്‌നങ്ങളൊന്നുമില്ലാതെ ഡച്ചുകാരൻ നേടിയപ്പോൾ അൽകാരാസ് തുടക്കം മുതൽ പൂർണ്ണമായും നിരാശനായിരുന്നു. ബേസ്‌ലൈൻ മുതൽ ശക്തമായ ഫോർഹാൻഡോടെയാണ് സാൻസ്‌ചൽപ് ആധിപത്യം പുലർത്തിയത്. മത്സരത്തിന് ശേഷം വാൻ ഡി സാൻസ്‌ചൽപ്പ് പറഞ്ഞു. അവിശ്വസനീയമായ ഒരു സായാഹ്നമായിരുന്നു. ആർതർ ആഷിലെ നൈറ്റ് സെഷനിലായിരുന്നു എന്‍റെ ആദ്യ അനുഭവം. ജനക്കൂട്ടം അതിശയിപ്പിക്കുന്നതായിരുന്നു. കഴിഞ്ഞ മത്സരത്തിൽ നിന്ന് തനിക്ക് വളരെയധികം ആത്മവിശ്വാസം ലഭിച്ചുവെന്നും അദ്ദേഹം പറഞ്ഞു.
