ഇസ്ലാമാബാദ്: പ്രധാനമന്ത്രി ഷെഹ്ബാസ് ഷെരീഫിന്‍റെ ബീജിംഗ് സന്ദർശനത്തിന്‍റെ മുന്നോടിയായി പാകിസ്ഥാനും ചൈനയും തമ്മിൽ പുതിയ എയർ കാർഗോ റൂട്ട് ആരംഭിച്ചു. എല്ലാ കാലാവസ്ഥാ സഖ്യകക്ഷികളും തമ്മിലുള്ള വ്യാപാര ബന്ധം കൂടുതൽ മെച്ചപ്പെടുത്തുന്നതിനായാണ് പുതിയ എയർ കാർഗോ റൂട്ട് .
മെയ് 28 ന് ഉദ്ഘാടനം ചെയ്‌ത പുതിയ എയർ കാർഗോ റൂട്ട് ചൈനയിലെ ഗുയിഷോവിനെ പാകിസ്ഥാനിലെ കറാച്ചിയുമായി ബന്ധിപ്പിച്ചുവെന്ന് അസോസിയേറ്റഡ് പ്രസ് ഓഫ് പാകിസ്ഥാൻ റിപ്പോര്‍ട്ട് ചെയ്‌തു .
ഹാർഡ്‌വെയർ ആക്‌സസറികൾ, തുണിത്തരങ്ങൾ, ഇലക്ട്രോണിക് ആക്‌സസറികൾ എന്നിവയുൾപ്പെടെയുള്ള ചരക്കുകളുമായി ആഴ്‌ചയിൽ മൂന്ന് തവണ സർവീസ് നടത്താനാണ് റൂട്ടിലെ വിമാനങ്ങൾ പദ്ധതിയിട്ടിരുന്നത്. ഗുയിഷോവും പാകിസ്ഥാനും തമ്മിലുള്ള ആദ്യത്തെ നേരിട്ടുള്ള കണക്ഷനും പ്രവിശ്യയെ ഒരു ബെൽറ്റ് ആൻഡ് റോഡ് ഇനിഷ്യേറ്റീവ് (ബിആർഐ) രാജ്യവുമായി ബന്ധിപ്പിക്കുന്ന ആദ്യത്തെ വിമാന ചരക്ക് റൂട്ടുമാണിത്.
തെക്കുപടിഞ്ഞാറൻ ചൈനയിലെ ചരക്ക് വിതരണ കേന്ദ്രമായി ഗുയാങ്ങിനെ മാറ്റാനും പാകിസ്ഥാന്‍റെ ഗുണമേന്മയുള്ള പുത്തൻ ഉൽപന്നങ്ങൾ ഗുയിഷൂവിൽ എത്താനുള്ള സമയം കുറയ്ക്കാനും ഈ പുതിയ റൂട്ട് സഹായിക്കുമെന്ന് ഉദ്യോഗസ്ഥർ വിശ്വസിക്കുന്നു. ഗുയാങ്-കറാച്ചി എയർ കാർഗോ റൂട്ടിൻ്റെ ഉദ്ഘാടനം ഇരു പ്രദേശങ്ങളും തമ്മിലുള്ള വ്യാപാരം സുഗമമാക്കുമെന്ന് അസോസിയേറ്റഡ് പ്രസ് ഓഫ് പാകിസ്ഥാന്‍റെ റിപ്പോർട്ടില്‍ പറയുന്നു.
ജനുവരിയിൽ, മധ്യ ചൈനയിലെ ഹുബെയ് പ്രവിശ്യയിലെ എഴൗ ഹുവാഹു വിമാനത്താവളത്തെ പാക്കിസ്ഥാൻ്റെ കിഴക്കൻ നഗരമായ ലാഹോറുമായി ബന്ധിപ്പിക്കുന്ന ഒരു എയർ കാർഗോ റൂട്ട് ഇരു രാജ്യങ്ങളും ആരംഭിച്ചു. ജൂൺ 4 മുതൽ പ്രധാനമന്ത്രി ഷെഹ്ബാസ് ഷെരീഫിൻ്റെ അഞ്ച് ദിവസത്തെ ഔദ്യോഗിക സന്ദർശനത്തിന് മുന്നോടിയായാണ് എയർ കാർഗോ ലിങ്ക് വരുന്നത്. പാക്ക്-ചൈന സാമ്പത്തിക ഇടനാഴി (സിപിഇസി) പദ്ധതികളുടെ രണ്ടാം ഘട്ടത്തിൽ കൂടുതൽ നിക്ഷേപം തേടുന്നതിനായി അദ്ദേഹം ചൈനീസ് വ്യവസായികളുമായി കൂടിക്കാഴ്‌ച നടത്തും.
ALSO READ: 90 സെക്കൻഡിനുള്ളിൽ തെറ്റാതെ 29 വാക്കുകൾ; ഇന്ത്യന്‍ വംശജനായ 12-കാരന്‍ സ്പെല്ലിംഗ് ബീ ചാമ്പ്യന്‍
