തിരുവനന്തപുരം: കേരള സർവകലാശാലയുടെ കാര്യവട്ടം ക്യാമ്പസ് എഞ്ചിനിയറിംഗ് കോളജിൽ നടത്താനിരുന്ന പ്രശസ്‌ത സിനിമ താരം സണ്ണി ലിയോൺ പങ്കെടുക്കുന്ന പരിപാടിക്ക് വിലക്ക്. കേരള സർവകലാശാലയാണ് വിലക്കേർപ്പെടുത്തിയത്. ജൂലൈ 5 ന് നടക്കാനിരുന്ന പരിപാടിയിൽ സണ്ണി ലിയോൺ അവതരിപ്പിക്കുന്ന ലൈവ് ഷോയായിരുന്നു നിശ്ചയിച്ചിരുന്നത്.
എന്നാൽ ക്യാമ്പസുകളിൽ ഗാനമേള ഉൾപ്പെട്ട പരിപാടി സംഘടിപ്പിക്കാൻ പാടില്ലെന്ന സർവകലാശാല നിയമം ചൂണ്ടിക്കാട്ടിയാണ് കേരള സർവകലാശാല വിസി പരിപാടിക്ക് അനുമതി നിഷേധിച്ചത്. അതേസമയം സംഭവത്തിൽ പരിപാടിയുടെ സംഘാടകർ ഇതുവരെ പ്രതികരിച്ചിട്ടില്ല.
ALSO READ: 'വലിഞ്ഞുകേറി വന്നതല്ല' ; സിപിഎം മുന്നണി മര്യാദ കാണിക്കുന്നില്ലെന്ന് എംവി ശ്രേയാംസ് കുമാർ
