ഷൈൻ ടോം ചാക്കോയെ കേന്ദ്ര കഥാപാത്രമാക്കി സംവിധായകൻ എം എ നിഷാദ് പുതിയ ചിത്രവുമായി എത്തുന്നു. എം എ നിഷാദ് തന്നെ തിരക്കഥയും എഴുതുന്ന ഈ ചിത്രത്തിന്‍റെ ടൈറ്റിൽ പോസ്‌റ്റർ പുറത്തുവന്നു. 'ഒരു അന്വേഷണത്തിന്‍റെ തുടക്കം' എന്നാണ് ഈ സിനിമയ്‌ക്ക് പേരിട്ടിരിക്കുന്നത്.
പൂർണമായും ഒരു ഇൻവെസ്‌റ്റിഗേറ്റീവ് ത്രില്ലർ ചിത്രമായാണ് 'ഒരു അന്വേഷണത്തിന്‍റെ തുടക്കം' എത്തുന്നത്. വാണി വിശ്വനാഥ്, മുകേഷ്, സമുദ്രക്കനി, ശിവദ, ദുർഗ കൃഷ്‌ണ, അശോകൻ എന്നിവരും ഈ ചിത്രത്തിൽ സുപ്രധാന കഥാപാത്രങ്ങളായുണ്ട്. ബെൻസി പ്രോഡക്ഷൻസിന്‍റെ ബാനറിൽ കെ വി അബ്‌ദുൽ നാസർ ആണ് നിർമാണം.
സ്വാസിക, മഞ്ജു പിള്ള, ബൈജു സന്തോഷ്‌, ജൂഡ് ആന്റണി, പ്രശാന്ത് അലക്‌സാണ്ടർ, കലാഭവൻ ഷാജോൺ, വിജയ്ബാബു, സുധീഷ്,ജോണി ആന്റണി, ജനാർദനൻ,ഇർഷാദ്, രമേഷ് പിഷാരടി, ജാഫർ ഇടുക്കി, കൈലാഷ്, ഷഹീൻ സിദ്ധിക്ക്, കോട്ടയം നസീർ, പി ശ്രീകുമാർ, ബിജു സോപാനം, കുഞ്ചൻ, അബു സലിം, ബാബു നമ്പൂതിരി, കലാഭവൻ നവാസ്, പ്രമോദ് വെളിയനാട്, ജയകൃഷ്‌ണൻ, ഉല്ലാസ് പന്തളം, ജയകുമാർ, അനുമോൾ, സ്‌മിനു സിജോ, ഉമാ നായർ, ഗീതാഞ്ജലി മിഷ്റ, സിമി എബ്രഹാം, അനു നായർ, റിങ്കു, സന്ധ്യ മനോജ്, പൊന്നമ്മ ബാബു, കനകമ്മ, മഞ്ജു സുഭാഷ്, അനിത നായർ തുടങ്ങിയവരാണ് മറ്ര് പ്രധാന വേഷങ്ങളിൽ അണിനിരക്കുന്നത്.
വിവേക് മേനോൻ ഛായാഗ്രഹണം നിർവഹിക്കുന്ന ഈ ചിത്രത്തിന്‍റെ എഡിറ്റർ ജോൺകുട്ടിയാണ്. പ്രഭാവർമ്മ, ഹരി നാരായണൻ, പളനി ഭാരതി എന്നിവരുടെ വരികൾക്ക് സംഗീതം പകരുന്നത് എം ജയചന്ദ്രൻ ആണ്. കലാസംവിധാനം ദേവൻ കൊടുങ്ങല്ലൂരും നിർവഹിക്കുന്നു.
പ്രൊഡക്ഷൻ കൺട്രോളർ - ബിനു മുരളി,പ്രൊഡക്ഷൻ ഡിസൈനർ-ഗിരീഷ് മേനോൻ, കോസ്റ്റ്യൂംസ് - സമീറ സനീഷ്, മേക്കപ്പ് - റോണെക്സ് സേവ്യർ, ഓഡിയോ ഗ്രാഫി - എം ആർ രാജാകൃഷ്‌ണൻ, ബിജിഎം - മാർക്ക് ഡി മൂസ്, ചീഫ് അസോസിയേറ്റ് ഡയറക്ടർ - കൃഷ്‌ണകുമാർ, സ്‌റ്റണ്ട് - ഫീനിക്സ് പ്രഭു, ബില്ല ജഗൻ, സ്‌റ്റിൽസ് - ഫിറോഷ് കെ, ജയേഷ്, ഡിസൈൻസ് - യെല്ലോ ടൂത്ത്‌സ് എന്നിവരാണ് ഈ സിനിമയുടെ മറ്റ് അണിയറ പ്രവർത്തകർ.
ഏപ്രിൽ 22ന് കോട്ടയത്ത് 'ഒരു അന്വേഷണത്തിന്‍റെ തുടക്കം' സിനിമയുടെ ചിത്രീകരണം തുടങ്ങും. വാഗമൺ, കുട്ടിക്കാനം, തെങ്കാശി, പഞ്ചാബ്, ദുബായ് എന്നിവിടങ്ങളാണ് മറ്റു ലോക്കേഷനുകൾ. പി ആർ ഒ - എ എസ് ദിനേശ്.
