പ്രേക്ഷകരിൽ കൗതുകമുണർത്തി 'ഒരു കട്ടിൽ ഒരു മുറി' സിനിമയുടെ ട്രെയിലർ പുറത്ത്. ഷാനവാസ് കെ ബാവക്കുട്ടി സംവിധാനം ചെയ്യുന്ന ചിത്രത്തിന്‍റെ ഏറെ നിഗൂഡതകൾ പേറുന്ന, ആകാംക്ഷയേറ്റുന്ന ട്രെയിലറാണ് അണിയറ പ്രവർത്തകർ പുറത്തുവിട്ടിരിക്കുന്നത്. 'തൊട്ടപ്പൻ', 'കിസ്‌മത്ത്' എന്നിങ്ങനെ വ്യത്യസ്‌തമായ ചിത്രങ്ങൾ ഒരുക്കിയ ഷാനവാസ് കെ ബാവാക്കുട്ടിയുടെ പുതുമയുള്ള മറ്റൊരു സിനിമയാകും 'ഒരു കട്ടിൽ ഒരു മുറി' എന്ന ഉറപ്പാണ് ട്രെയിലർ നൽകുന്നത്.
- " class="align-text-top noRightClick twitterSection" data="">
പൂർണിമ ഇന്ദ്രജിത്ത്, ഹക്കിം ഷാ, പ്രിയംവദ കൃഷ്‌ണൻ എന്നിവരാണ് ഈ ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നത്. ഇവർക്കൊപ്പം വിജയരാഘവൻ, രഘുനാഥ് പാലേരി എന്നിവരും വേഷമിടുന്നു. ജനാർദ്ദനൻ, ഷമ്മി തിലകൻ, ഗണപതി, ജാഫർ ഇടുക്കി, സ്വാതി ദാസ്, പ്രഭു, പ്രശാന്ത് മുരളി, മനോഹരി ജോയ്, തുഷാര പിള്ള, വിജയകുമാർ, പ്രഭാകരൻ, ഉണ്ണിരാജാ, ഹരിശങ്കർ, രാജീവ് വി തോമസ്. ദേവരാജൻ കോഴിക്കോട്, ജിബിൻ ഗോപിനാഥ് എന്നിവരാണ് 'ഒരു കട്ടിൽ ഒരു മുറി'യിൽ മറ്റ് പ്രധാന കഥപാത്രങ്ങൾക്ക് ജീവൻ പകരുന്നത്.
രഘുനാഥ് പാലേരിയാണ് വേറിട്ട പ്രമേയത്തിലെത്തുന്ന ഈ സിനിമയ്‌ക്കായി തിരക്കഥ ഒരുക്കിയത്. സപ്‌തതരംഗ് ക്രിയേഷൻസിന്‍റെ ബാനറിൽ സമീർ ചെമ്പയിൽ, രഘുനാഥ് പലേരി എന്നിവരാണ് നിർമാണം. ബാബുരാജ് മനിശ്ശേരി ഈ സിനിമയുടെ എക്‌സിക്യൂട്ടീവ് പ്രൊഡ്യൂസറാണ്.
അൻവർ അലി, രഘുനാഥ് പലേരി എന്നിവരുടെ വരികൾക്ക് സംഗീതം ഒരുക്കുന്നത് അങ്കിത് മേനോൻ, വർക്കി എന്നിവരാണ്. അടുത്തിടെയാണ് ഈ ചിത്രത്തിലെ 'നീ അപരനാര്...' എന്ന് തുടങ്ങുന്ന ഗാനം പുറത്തുവന്നത്. വർക്കി ഈണമിട്ട ഗാനം മികച്ച പ്രതികരണം നേടുകയും ചെയ്‌തിരുന്നു. നാരായണി ഗോപനാണ് ആലാപനം.
എൽദോസ് ജോർജാണ് 'ഒരു കട്ടിൽ ഒരു മുറി'യ്‌ക്കായി കാമറ ചലിപ്പിക്കുന്നത്. ചിത്രസംയോജനം മനോജ് സി എസും നിർവഹിക്കുന്നു. അരുൺ ജോസ് ആണ് ഈ സിനിമയുടെ കലാസംവിധായകൻ.
മേക്കപ്പ് - അമൽ പീറ്റർ, കോസ്റ്റ്യൂം ഡിസൈൻ - നിസ്സാർ റഹ്മത്ത്, പോസ്റ്റ് പ്രൊഡക്ഷൻ കോ -ഓർഡിനേറ്റേഴ്‌സ് - അരുൺ ഉടുമ്പുഞ്ചോല, അഞ്ജു പീറ്റർ, പ്രൊഡക്ഷൻ എക്‌സിക്യൂട്ടിവ് - ഷിബു പന്തലക്കോട്, പ്രൊഡക്ഷൻ കൺട്രോളർ - എൽദോ സെൽവരാജ്. സപ്‌തതരംഗ് ക്രിയേഷൻസ് തന്നെയാണ് ഈ ചിത്രം പ്രദർശനത്തിനെത്തിക്കുന്നതും. ചിത്രത്തിന്‍റെ റിലീസ് തീയതി ഉടൻ പുറത്തുവരുമെന്നാണ് പ്രതീക്ഷിക്കുന്നത്.
ALSO READ: 'നീ അപരനാര്...' ; 'ഒരു കട്ടില്‍ ഒരു മുറി'യിലെ വീഡിയോ ഗാനമെത്തി
