ബോളിവുഡ് താരം സൽമാൻ ഖാന് വീണ്ടും വധഭീഷണി. ഭീഷണി സന്ദേശം അയച്ച അജ്ഞാതനെതിരെ മുംബൈയിലെ വോർളി പൊലീസ് കേസെടുത്തു. അതേസമയം ഭീഷണിയുമായി ബന്ധപ്പെട്ട കൂടുതല്‍ വിശദാംശങ്ങൾ കണ്ടെത്താനായിട്ടില്ല.
"കഴിഞ്ഞ ദിവസം രാത്രി മുംബൈ ട്രാഫിക് കൺട്രോൾ റൂമിൽ ലോറൻസ് ബിഷ്‌ണോയി സംഘത്തിൽ നിന്നും നടൻ സൽമാൻ ഖാനെതിരെ ഭീഷണി സന്ദേശം ലഭിച്ചു. അജ്ഞാതനെതിരെ മുംബൈയിലെ വോര്‍ളി പൊലീസ് കേസെടുത്തു. സംഭവത്തില്‍ അന്വേഷണം നടന്നുവരുന്നു."- മുംബൈ പൊലീസ് അറിയിച്ചു.
A threat message for Actor Salman Khan from the Lawrence Bishnoi gang was received at the Mumbai Traffic Control Room last night. A case has been registered against an unknown person by Worli Police. Investigation underway: Mumbai Police
— ANI (@ANI) November 8, 2024
രണ്ട് ദിവസം മുമ്പ് ലോറൻസ് ബിഷ്‌ണോയി സംഘത്തിൽ നിന്നും സല്‍മാന്‍ ഖാന് വധഭീഷണി നേരട്ടതിന് പിന്നാലെയാണ് മറ്റൊരു വധഭീഷണിയും താരം നേരിടുന്നത്. നവംബർ അഞ്ചിനാണ് ലോറൻസ് ബിഷ്‌ണോയ് സംഘത്തിൽ നിന്നും സൽമാൻ ഖാന് വധഭീഷണി ഉണ്ടായത്.
Salman Khan gets another death threat allegedly from Lawrence Bishnoi gang: Mumbai Police
— ANI Digital (@ani_digital) November 5, 2024
Read @ANI Story | https://t.co/1NqpJTjoNk#SalmanKhan #lawrencebishnoigang #mumbai pic.twitter.com/6h35r8rtlM
മുംബൈ പൊലീസിനാണ് ഭീഷണി സന്ദേശം ലഭിച്ചത്. ഒന്നുകിൽ സല്‍മാന്‍ ഖാന് മാപ്പ് പറയുക അല്ലെങ്കിൽ താരത്തിന്‍റെ സുരക്ഷ ഉറപ്പാക്കാൻ അഞ്ച് കോടി രൂപ നൽകുക. ഇപ്രകാരമായിരുന്നു ഭീഷണി സന്ദേശം.
സംഭവവുമായി ബന്ധപ്പെട്ട് രാജസ്ഥാൻ സ്വദേശിയായ 32കാരനെ ബുധനാഴ്‌ച്ച കർണാടകയിൽ നിന്നും പിടികൂടി മഹാരാഷ്ട്ര പൊലീസിന് കൈമാറിയിരുന്നു.
Also Read: ഷാരൂഖ് ഖാന് വധഭീഷണി, എഫ്‌ഐആര്‍ രജിസ്‌റ്റര്‍ ചെയ്‌തു
