രാഹുൽ കൃഷ്‌ണയുടെ സംവിധാനത്തിൽ രാഹുൽ മാധവ്, അപ്പാനി ശരത്, നിയ, ഡയാന ഹമീദ്, കിടിലം ഫിറോസ് എന്നിവർ പ്രധാന കഥാപാത്രങ്ങളായി എത്തുന്ന ചിത്രമാണ് 'അപ്പോസ്‌തലന്മാരുടെ പ്രവൃത്തികൾ'. ക്രൈം ത്രില്ലർ ജോണറിൽ ഒരുക്കിയ ഈ ചിത്രത്തിന്‍റെ ട്രെയിലർ പുറത്തുവന്നു. സസ്‌പെൻസും ഉദ്വേഗവും നിറഞ്ഞ രംഗങ്ങളാൽ സമ്പന്നമായ ട്രെയിലർ ശ്രദ്ധ നേടുകയാണ് (Apposthalanmarude Pravarthikal Trailer out).
സംവിധായകൻ രാഹുൽ കൃഷ്‌ണ തന്നെയാണ് ഈ ചിത്രത്തിന്‍റെ രചനയും നിർവഹിച്ചിരിക്കുന്നത്. എൽ ത്രി എന്‍റർടെയിൻമെന്‍റിന്‍റെ സഹകരണത്തോടെ സൈന ലിജു രാജ് അവതരിപ്പിക്കുന്ന 'അപ്പോസ്‌തലന്മാരുടെ പ്രവൃത്തികൾ' ലിജു രാജാണ് നിർമിക്കുന്നത്. 1995ൽ തുടങ്ങി 2022ൽ അവസാനിക്കുന്ന 'അപ്പോസ്‌തലന്മാരുടെ പ്രവൃത്തികൾ' സിനിമയുടെ കഥ ഒരു മനുഷ്യന്‍റെ ഉള്ളിലെ ഇരുണ്ട വശം തുറന്നുകാണിക്കുന്ന ക്രൈം ത്രില്ലർ ചിത്രമാണ് (Rahul Madhav, Appani Sarath starrer Apposthalanmarude Pravarthikal movie).
- " class="align-text-top noRightClick twitterSection" data="">
ആക്ഷനും പ്രാധാന്യമുള്ള ഈ ചിത്രത്തിൽ ആകെ ഒൻപത് സംഘട്ടന രംഗങ്ങളാണുള്ളത്. സുധീർ കരമന, ബിജുക്കുട്ടൻ, നോബി മാർക്കോസ്, ജോമോൻ ജോഷി, നെൽസൺ, റിയാസ്, കുട്ടി അഖിൽ, മനു വർമ, സാബു,നന്ദന, ഗോപിക തുടങ്ങിയവരാണ് ഈ ചിത്രത്തിൽ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
സജീം ആണ് ചിത്രത്തിന്‍റെ ഛായാഗ്രാഹകൻ. ബാബുരാജ് എഡിറ്റിംഗും നിര്‍വഹിക്കുന്നു. അനിൽ പനച്ചൂരാൻ, സന്തോഷ്‌ പേരാളി, കെ സി അഭിലാഷ്, രാഹുൽ കൃഷ്‌ണ എന്നിവരുടെ വരികൾക്ക് ജോസ് ബാപ്പയ്യാ ആണ് സംഗീതം പകര്‍ന്നിരിക്കുന്നത്. ജാസി ഗിഫ്റ്റ്, സുനിത സാരഥി, അരവിന്ദ് വേണുഗോപാൽ, ഇഷാൻ ദേവ്, ജോസ് സാഗർ, അൻവർ സാദിഖ് എന്നിവരാണ് ഗായകർ. ജോസ് ബാപ്പയ്യാ തന്നെയാണ് ചിത്രത്തിന്‍റെ പശ്ചാത്തല സംഗീതം ഒരുക്കിയതും.
അടുത്തിടെ ചിത്രത്തിലെ ഗാനം അണിയറ പ്രവർത്തകർ പുറത്തുവിട്ടിരുന്നു. സിനിമയിലെ 'താണാടും' എന്ന വീഡിയോ ഗാനമാണ് അണിയറ പ്രവര്‍ത്തകര്‍ പുറത്തുവിട്ടത്. ആകെ നാലുഗാനങ്ങളാണ് 'അപ്പോസ്‌തലന്മാരുടെ പ്രവൃത്തികളി'ൽ ഉള്ളത്.
പ്രൊജക്റ്റ്‌ ഡിസൈനർ - എൻ എസ് രതീഷ്, പ്രൊഡക്ഷൻ കൺട്രോളർ - അജയഘോഷ് പരവൂർ, കല - അജി പയ്‌ച്ചിറ, മേക്കപ്പ് - പ്രദീപ് വിതുര, വസ്‌ത്രാലങ്കാരം - സുരേഷ് ഫിറ്റ്‌വെൽ, സ്റ്റിൽസ് - ശാലു പേയാട്, ഡിസൈൻ - ഇഷാൻ പ്രൊമോഷൻസ്, ചീഫ് അസോസിയേറ്റ് ഡയറക്‌ടർ - ഷാൻ തൻഹ, അസോസിയേറ്റ് ഡയറക്‌ടർ - വിഷ്‌ണു, ജെറോഷ്, കൊറിയോഗ്രാഫർ - മനോജ്‌ ഫിടാക്, ദിലീപ് ഖാൻ, പി ആർ ഒ - എ എസ് ദിനേശ്.
