അമല്‍ കെ ജോബി സംവിധാനം ചെയ്യുന്ന 'ഗുമസ്‌തന്‍' എന്ന ചിത്രത്തിന്‍റെ ട്രെയിലര്‍ പുറത്തുവിട്ടു. നടന്‍ പൃഥ്വിരാജ് സുകുമാരന്‍റെ ഒഫീഷ്യല്‍ സോഷ്യല്‍ മീഡിയ പേജിലൂടെയാണ് 'ഗുമസ്‌തന്‍' ട്രെയിലര്‍ പുറത്തുവിട്ടത്. സെപ്റ്റംബര്‍ 27 ന് ചിത്രം തിയേറ്ററുകളില്‍ എത്തും.
ഒരു കുറ്റാന്വേഷണം സൂചിപ്പിക്കുന്ന തരത്തിലുള്ളതാണ് ട്രെയിലര്‍. ഗ്രാമീണാന്തരീക്ഷത്തില്‍ നടക്കുന്ന ഒരു കുടുംബ ചിത്രമാണ് 'ഗുമസ്‌തന്‍'. ജെയ്‌സ് ജോസാണ് മുഖ്യകഥാപാത്രമായി എത്തുന്നത്. പുതുമുഖമായ നീമാ മാത്യുവാണ് നായിക.
ദിലീഷ് പോത്തന്‍, ബിബിന്‍ ജോര്‍ജ്, സ്‌മിനു സിജോ, ഷാജു ശ്രീധര്‍, റോണി ഡേവിഡ് രാജ്, അസീസ് നെടുമങ്ങാട്, പ്രശാന്ത് അലക്‌സാണ്ടര്‍, ആനന്ദ് റോഷന്‍, ഐഎം വിജയന്‍, കൈലാഷ് മഖ്ബുല്‍ സല്‍മാന്‍, ഡ്രാക്കുള സുധീര്‍ തുടങ്ങിയവര്‍ ചിത്രത്തില്‍ വേഷമിടുന്നു.
ഇടിവി ഭാരത് കേരളം ഇനി വാട്‌സ്‌ആപ്പിലും
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക.
സിനിമയുടെ പശ്ചാത്തല സംഗീതം ഒരുക്കിയിരിക്കുന്നത് ബിനോയ് എസ് പ്രസാദ് ആണ്. സ്‌റ്റീഫന്‍ ദേവസിയാണ് സിനിമയുടെ സംഗീത സംവിധാനം. ക്യാമറമാന്‍ എസ് കുമാറിന്‍റെ മകന്‍ കുഞ്ഞുണ്ണി എസ് കുമാറാണ് ക്യാമറ.
