തങ്ങളുടെ പ്രിയപ്പെട്ട നിമിഷങ്ങള്‍ ആരാധകർക്കായി പങ്കുവെച്ച് നയൻതാരയും വിഘ്നേഷ് ശിവനും. താര ദമ്പതിമാര്‍ ഇന്‍സ്‌റ്റഗ്രാമില്‍ പോസ്‌റ്റ് ചെയ്‌ത അവധിക്കാല യാത്രയിലെ ചിത്രങ്ങളാണ് ആരാധക ശ്രദ്ധ നേടിക്കൊണ്ടിരിക്കുന്നത്. നയൻതാരയുടെയും വിഘ്‌നേഷിന്‍റെയും സമീപകാല ഇൻസ്‌റ്റഗ്രാം പോസ്‌റ്റുകളെല്ലാം അവര്‍ തമ്മിലുള്ള ആത്മബന്ധത്തിന്‍റെ നേര്‍ക്കാഴ്‌ചകളാണ്.
അടുത്തിടെ, റൊമാൻ്റിക് സിനിമയിലെ രംഗം അനുസ്‌മരിപ്പിക്കുന്ന ഒരു ചിത്രം നയൻതാര ഇന്‍സ്‌റ്റഗ്രാമില്‍ പോസ്‌റ്റ് ചെയ്‌തിരുന്നു. നയൻതാരയും വിഘ്നേഷും ലാൻ ക്വായ് ഫോങ്ങിൻ്റെ തെരുവുകളിലൂടെ നടക്കുന്നാണ് ആ ചിത്രം. മഴയും രാത്രിയുടെ ഭംഗിയും ചിത്രത്തെ പ്രണയാതുരമാക്കുന്നു. "പെർഫെക്റ്റ് ടുഗെദർ", "വാൾപേപ്പർ മെറ്റീരിയൽ", "കപ്പിള്‍ ഗോള്‍സ്" തുടങ്ങിയ നിരവധി കമന്‍റുകളാണ് പോസ്‌റ്റിനു താഴെ വരുന്നത്.
അതേസമയം, നയന്‍ താരയുടെ മനോഹരമായ ഒരു ചിത്രം തൻ്റെ ഇൻസ്‌റ്റഗ്രാം സ്‌റ്റോറിയിൽ വിഘ്നേഷും പങ്കിട്ടു. തൻ്റെ ഏറ്റവും പുതിയ പോസ്‌റ്റിൽ, നയൻതാരയുടെ ഒരു ക്ലോസ്-അപ്പ് ഷോട്ടാണ് പ്രണയാതുരമായ കുറിപ്പോടെ വിഘ്നേഷ് പങ്കിട്ടത്. "ആത്മാവിൻ്റെ സൗന്ദര്യം മുഖത്ത് പ്രതിഫലിക്കുന്നു" എന്ന അടിക്കുറിപ്പോടെയാണ് ആകര്‍ഷകമായ ആ ചിത്രം വിഘ്നേഷ് പോസ്‌റ്റ് ചെയ്‌തത്.
ശശികാന്ത് സംവിധാനം ചെയ്‌ത്‌ നിർമ്മിക്കുന്ന സ്‌പോര്‍ട്‌സ് ഡ്രാമ ചിത്രമായ "ടെസ്‌റ്റിൻ്റെ" റിലീസിനായി കാത്തിരിക്കുകയാണ് നയൻതാര. മാധവൻ, സിദ്ധാർത്ഥ്, മീരാ ജാസ്‌മിൻ എന്നിവരുൾപ്പെടെയുള്ള താരനിരയാണ് ചിത്രത്തിലുള്ളത്. നവാഗത സംവിധായകൻ ഡ്യൂഡ് വിക്കി സംവിധാനം ചെയ്യുന്ന "1960 മുതൽ മണ്ണങ്ങാട്ടി" എന്ന ചിത്രത്തിന്‍റെ ഷൂട്ടിംഗ് നയൻതാര പൂർത്തിയാക്കി. നിവിൻ പോളിയ്‌ക്കൊപ്പം ഡിയർ സ്‌റ്റുഡൻ്റ്‌സ് എന്ന മലയാള ചിത്രത്തിലും അഭിനയിക്കാൻ ഒരുങ്ങുകയാണ് നയന്‍താര.
തൃഷയ്ക്കും രശ്‌മികയ്ക്കുമൊപ്പം എംഎസ് സുബ്ബലക്ഷ്‌മിയുടെ ബയോപിക്കിൽ നയന്‍താര എത്തുന്നു എന്ന വിവരം പുറത്തു വന്നതോടെ താരം വീണ്ടും വാർത്തകളിൽ ഇടം നേടി. ബെംഗളൂരു ആസ്ഥാനമായുള്ള പ്രൊഡക്ഷൻ ഹൗസായ ഇതിഹാസ, സുബ്ബലക്ഷ്‌മിയുടെ ബയോപിക് അടുത്ത വർഷം റിലീസ് ചെയ്യാൻ പദ്ധതിയിടുന്നതായി റിപ്പോർട്ടുകൾ പുറത്തു വന്നിരുന്നു. എന്നിരുന്നാലും, സംഗീതജ്ഞയുടെ വേഷത്തിലേക്കുള്ള നയന്‍താരയുടെ കാസ്‌റ്റിങ് ഇതുവരെ അന്തിമമായിട്ടില്ല.
ALSO READ: ചിരിപ്പിച്ചും കോരിത്തരിപ്പിച്ചും ടർബോ ജോസ് ; സക്‌സസ് ടീസർ പുറത്ത്
