പ്രണയവും ഡ്രാമയും ആക്ഷനും സസ്‌പെൻസും ഹിപ്നോട്ടിസത്തിന്‍റെ ആകാംഷയും ഉൾക്കൊച്ചിരിക്കുന്ന കിരൺ അബ്ബാവരം ചിത്രം 'ക' മലയാളം റിലീസ് നവംബർ 22 ന്. കൃഷ്‌ണ ഗിരി എന്ന ഗ്രാമത്തിൽ നടക്കുന്ന ദുരൂഹമായ സംഭവവികാസങ്ങളിലൂടെ സഞ്ചരിക്കുന്ന ചിത്രമാണ് ക. ചിത്രം കേരളത്തിലെത്തിക്കുന്നത് ദുൽഖറിന്‍റെ വേഫെറർ ഫിലിംസാണ്. കിരൺ അബ്ബാവരം നായകനായ പാൻ ഇന്ത്യൻ ചിത്രം 'ക' യുടെ മലയാളം ട്രെയിലര്‍ നവംബര്‍ 18 ന് റിലീസ് ചെയ്യും.
നവാഗതരായ സുജിത്, സന്ദീപ് എന്നിവർ ചേർന്നാണ് ഈ പിരീഡ് ആക്ഷൻ മിസ്റ്ററി ത്രില്ലർ ചിത്രം രചിച്ച് സംവിധാനം ചെയ്തിരിക്കുന്നത്. ശ്രീ ചക്രാസ് എൻ്റർടൈൻമെൻ്റിൻ്റെ ബാനറിൽ ചിന്താ ഗോപാലകൃഷ്‌ണ റെഡ്ഡിയാണ് ഈ പാൻ ഇന്ത്യൻ ചിത്രം നിർമ്മിച്ചിരിക്കുന്നത്. ദീപാവലി റിലീസായി എത്തിയ ചിത്രം തെലുങ്കിൽ ബ്ലോക്ക്ബസ്റ്റർ ഹിറ്റായി മാറിയിരുന്നു.
റിലീസ് ചെയ്‌ത് ഒരാഴ്ചക്കുള്ളിൽ 40 കോടിക്ക് മുകളിൽ നേടിയ ചിത്രത്തിന് ഗംഭീര പ്രേക്ഷക പ്രതികരണമുണ്ട്. കേരളത്തിലെ അഡ്വാന്‍സ് ടിക്കറ്റ് ബുക്കിംഗ് ഉടനെ ആരംഭിക്കും.
അഭിനയ വാസുദേവ് എന്ന പോസ്റ്മാനായാണ് കിരൺ ചിത്രത്തിൽ വേഷമിട്ടിരിക്കുന്നത്. കിരൺ അബ്ബാവരത്തിനന്‍റെ ആക്ഷൻ രംഗങ്ങളാണ് ചിത്രത്തിന്‍റെ ഹൈലൈറ്റ്. തൻവി റാം, നയനി സരിക എന്നിവർ നായികമാരാകുന്ന ചിത്രത്തിൽ രാധ എന്നാണ് തൻവിയുടെ കഥാപാത്രത്തിൻ്റെ പേര്.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക.
മീറ്റർ, റൂൾസ് രഞ്ജൻ, വിനാരോ ഭാഗ്യമു വിഷ്‌ണു കഥ എന്നീ ചിത്രങ്ങളിലൂടെ തെലുങ്കിൽ പ്രശസ്തനായ താരമാണ് കിരൺ അബ്ബാവരം. തെലുങ്ക് കൂടാതെ തമിഴ്, കന്നഡ ഭാഷകളിലും ഒരുക്കിയ 'ക' യുടെ മലയാളം പതിപ്പാണ് ദുൽഖർ സൽമാൻ്റെ വേഫെറർ ഫിലിംസ് കേരളത്തിലെത്തിക്കുന്നത്.
ഛായാഗ്രഹണം - വിശ്വാസ് ഡാനിയൽ, സതീഷ് റെഡ്ഡി മാസം, സംഗീതം - സാം സി എസ്, എഡിറ്റിംഗ് - ശ്രീ വര പ്രസാദ്, കലാ സംവിധാനം - സുധീർ മചാർല, വസ്ത്രാലങ്കാരം- അനുഷ പുഞ്ചല, മേക്കപ്പ്- കൊവ്വട രാമകൃഷ്ണ, ആക്ഷൻ- റിയൽ സതീഷ്, റാം കൃഷ്ണൻ, ഉയ്യാല ശങ്കർ, എക്സിക്യൂട്ടീവ് പ്രൊഡ്യൂസർ - ചൗഹാൻ, ലൈൻ പ്രൊഡക്ഷൻ - KA പ്രൊഡക്ഷൻ, സിഇഒ - രഹസ്യ ഗോരക്, പിആർഒ - ശബരി.
