വൈജയന്തി മൂവീസിന്‍റെ ബാനറിൽ പ്രഭാസ് - നാഗ് അശ്വിൻ കൂട്ടുകെട്ടിൽ ഒരുങ്ങുന്ന 'കൽക്കി 2898 എഡി'യുടെ ട്രെയിലർ പുറത്ത്. റിലീസ് ചെയ്‌ത് നിമിഷനേരം കൊണ്ട് വലിയ പ്രേക്ഷക സ്വീകാര്യത നേടാൻ ട്രെയിലറിന് സാധിച്ചു. ജൂണ്‍ 27നാണ് ചിത്രം റിലീസിനെത്തുന്നത്.
റിലീസിന് മുൻപ് തന്നെ ചിത്രം രചിക്കുന്നത് പുതു ചരിത്രങ്ങളാണ്. ഇന്ത്യയിലെ തന്നെ ആദ്യത്തെ ആനിമേഷൻ സീരീസ് സ്ക്രീനിങ്ങ് എപ്പിസോഡ് ആരംഭിച്ചത് ടീം കൽക്കി 2898 എഡിയാണ്. ഇവരുടെ ആദ്യ എപ്പിസോഡ് 'ഭുജി ആൻഡ് ഭൈരവ' പ്രേക്ഷക സ്വീകാര്യത നേടിയിരുന്നു. പ്രൈം വീഡിയോയിൽ റിലീസ് ചെയ്‌ത ആനിമേഷൻ സീരീസിന് മികച്ച അഭിപ്രായമാണ് ലഭിച്ചത്.
