ആഷിഖ് അബുവിന്‍റെ ചിത്രം എന്ന് കേട്ടാല്‍ തന്നെ പ്രേക്ഷകര്‍ക്ക് ആവേശവും ആകാംക്ഷയുമാണ്. കാരണംകഥാപാത്രങ്ങളിലും കഥ പറയുന്ന രീതിയിലും എക്കാലവും പുതുമ സൃഷ്ടിക്കുന്ന സംവിധായകനാണ് അദ്ദേഹം. ക്രിസ്‌മസ് റിലീസായി എത്തിയ 'റൈഫിള്‍ ക്ലബി'ലൂടെ തന്‍റെ ഫിലിമോഗ്രഫിയിൽ വീണ്ടും ഒരു പൊൻ തൂവൽ കൂട്ടിച്ചേര്‍ക്കുകയാണ്.
വന്‍താരനിരയുമായാണ് റൈഫിള്‍ ക്ലബ് പ്രേക്ഷകര്‍ക്ക് മുന്നിലെത്തിയത്. എല്ലാവർക്കും കൃത്യമായ സ്ഥാനം സംവിധായകൻ ചിത്രത്തിൽ നൽകിയിട്ടുണ്ട്.
ഇട്ടിയാനം വാണി വിശ്വനാഥ്, ദിലീഷ് പോത്തന്‍റെ സെക്രട്ടറി അവറാന്‍, വിജയരാഘവന്‍ അവതരിപ്പിക്കുന്ന കുഴിവേലി ലോനപ്പന്‍, സുരേഷ് കൃഷ്‌ണയുടെ ഡോ. ലാസര്‍, സുരഭി ലക്ഷ്‌മിയുടെ കഥാപാത്രമായ സൂസന്‍, വിഷ്ണു ആഗസ്ത്യ അവതരിപ്പിക്കുന്ന ഗോഡ്‌ജോ, ഉണ്ണിമായയുടെ സൂസന്‍, ദര്‍ശന രാജേന്ദ്രന്‍റെ കുഞ്ഞുമോള്‍, പൊന്നമ്മ ബാബു അവതരിപ്പിക്കുന്ന ശോശ എന്നിവരടങ്ങുന്ന റൈഫിള്‍ ക്ലബ് അംഗങ്ങൾ അക്ഷരാർത്ഥത്തിൽ പ്രേക്ഷകരെ ഞെട്ടിച്ചു.
റൊമാന്‍റിക് സ്റ്റാര്‍ ഷാജഹാനായുള്ള വിനീത് കുമാറും അനുരാഗ് കശ്യപും ഹനുമാന്‍ കൈന്‍ഡും സെന്ന ഹെഗ്ഡെയും ഉള്‍പ്പെടുന്ന വില്ലന്മാരുടേയുമെല്ലാം കഥാപാത്രങ്ങള്‍ക്ക് ഗംഭീര സ്‌ക്രീന്‍ സ്‌പേസാണ് ചിത്രത്തിലുള്ളത്. കോമഡിയും ആക്ഷനും തമ്മിലുള്ള ഞാണിന്മേല്‍ കളിയാണ് ആഷിഖ് അബു അന്തസത്ത ചോരാതെ അവതരിപ്പിച്ചിരിക്കുന്നത്.
കാലാതീതമായ സൃഷ്ടികൾക്ക് പുതുഭാഷ്യം ചമച്ച ആഷിഖ് അബു മലയാളസിനിമയുടെ ഏറ്റവും മികച്ച ഫിലിം മേക്കറുകളിലൊരാളാണെന്ന് എത്രയോ തവണ തെളിയിച്ചു കഴിഞ്ഞു.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക.
തികച്ചും ഒരു റെട്രോ സ്‌റ്റൈല്‍ സിനിമയായി ആഷിഖ് അബു ട്രീറ്റ് ചെയ്തിരിക്കുന്ന റൈഫിള്‍ ക്ലബിന് മികച്ച പ്രതികരണമാണ് പ്രേക്ഷകരില്‍ നിന്നും ലഭിക്കുന്നത്. ബോളിവുഡില്‍ ശ്രദ്ധേയ സിനിമകള്‍ സംവിധാനം ചെയ്തിട്ടുള്ള, വേറിട്ട വേഷങ്ങളില്‍ വിവിധ ഭാഷകളില്‍ അഭിനയിച്ചിട്ടുള്ള അനുരാഗ് കശ്യപിന്റെ മലയാളത്തിലെ അരങ്ങേറ്റ ചിത്രം കൂടിയാണ് 'റൈഫിള്‍ ക്ലബ്'.
ഒ.പി.എം സിനിമാസിന്‍റെ ബാനറില്‍ ആഷിഖ് അബു, വിന്‍സന്‍റ് വടക്കന്‍, വിശാല്‍ വിന്‍സന്‍റ് ടോണി എന്നിവര്‍ ചേര്‍ന്നാണ് ചിത്രം നിര്‍മിച്ചിരിക്കുന്നത്. ശ്രീ ഗോകുലം മൂവീസ് ത്രു ഡ്രീം ബിഗ് ഫിലിംസാണ് വിതരണം.
റൈഫിള്‍ ക്ലബ്ബിന്‍റ് തിരക്കഥയും സംഭാഷണവും ഒരുക്കിയിരിക്കുന്നത് ദിലീഷ് കരുണാകരന്‍, ശ്യാം പുഷ്‌കരന്‍, , സുഹാസ് എന്നിവര്‍ ചേര്‍ന്നാണ്.
'മായാനദി'ക്ക് ശേഷം ആഷിക്ക് അബു, ശ്യാം പുഷ്‌കരന്‍, ദിലീഷ് നായര്‍ ടീം ഒന്നിക്കുന്നു എന്ന പ്രത്യേകതയും ചിത്രത്തിനുണ്ട്. 'മഞ്ഞുമ്മല്‍ ബോയ്സി'ലൂടെ വലിയ ജനപ്രീതി നേടിയ അജയന്‍ ചാലിശ്ശേരിയാണ് റൈഫിള്‍ ക്ലബ്ബിന്റെ പ്രൊഡക്ഷന്‍ ഡിസൈനര്‍. മേക്കപ്പ്: റോണക്‌സ് സേവ്യര്‍, വസ്ത്രാലങ്കാരം: മഷര്‍ ഹംസ, എഡിറ്റര്‍: വി സാജന്‍, സ്റ്റണ്ട്: സുപ്രീം സുന്ദര്‍, സംഗീതം: റെക്‌സ് വിജയന്‍, പ്രൊഡക്ഷന്‍ കണ്‍ട്രോളര്‍: കിഷോര്‍ പുറക്കാട്ടിരി, സ്റ്റില്‍സ്: റോഷന്‍, അര്‍ജുന്‍ കല്ലിങ്കല്‍, പി.ആര്‍.ഒ: ആതിര ദില്‍ജിത്ത്, എ എസ് ദിനേശ്.
