'ഉപചാരപൂർവ്വം ഗുണ്ട ജയൻ' എന്ന ചിത്രത്തിന് ശേഷം പുതിയ സിനിമയുമായി സംവിധായകൻ അരുൺ വൈഗ. രഞ്ജിത്ത് സജീവ്, ജോണി ആന്‍റണി എന്നിവർ പ്രധാന വേഷങ്ങളിൽ എത്തുന്ന ഈ സിനിമയുടെ ഷൂട്ടിങ്ങിന് തുടക്കമായി. ഈരാറ്റുപേട്ട, പൈകയിൽ ആണ് ചിത്രീകരണം ആരംഭിച്ചത്.
സംവിധാനത്തിന് പുറമെ ഈ സിനിമയ്‌ക്ക് തിരക്കഥ ഒരുക്കിയതും അരുൺ വൈഗയാണ്. ഫ്രാഗ്രന്‍റ് നേച്ചർ ഫിലിം ക്രിയേഷൻസ്, പൂയപ്പള്ളി ഫിലിംസ് എന്നിവയുടെ ബാനറിൽ ആൻ, സജീവ്, അലക്‌സാണ്ടർ മാത്യു എന്നിവർ ചേർന്നാണ് പേരിടാത്ത ഈ ചിത്രം നിർമ്മിക്കുന്നത്. മൈക്ക്, ഖൽബ്, ഗോളം എന്നി ചിത്രങ്ങൾക്ക് ശേഷം രഞ്ജിത്ത് സജീവ് നായക കഥാപാത്രത്തെ അവതരിപ്പിക്കുന്ന ചിത്രം കൂടിയാണിത്.
ഇന്ദ്രൻസ്, ഡോ. റോണി, മനോജ് കെ യു, മുഹ്സിൻ, സംഗീത, മഞ്ജു പിള്ള, സാരംഗി ശ്യാം, മീര വാസുദേവ് എന്നിവരാണ് ആ സിനിമയിൽ പ്രധാന കഥാപാത്രങ്ങളെ അവതരിപ്പിക്കുന്നത്. ശബരീഷ് വർമ്മ എഴുതിയ വരികൾക്ക് നേരം, പ്രേമം എന്നീ സിനിമകളിലൂടെ ശ്രദ്ധേയനായ രാജേഷ് മുരുകേശൻ ആണ് സംഗീതം പകരുന്നത്. സിനോജ് പി അയ്യപ്പൻ ഛായാഗ്രഹണം നിർവഹിക്കുന്ന ഈ ചിത്രത്തിന്‍റെ എഡിറ്റിങ് കൈകാര്യം ചെയ്യുന്നതും അരുൺ വൈഗയാണ്.
ലൈൻ പ്രൊഡ്യൂസർ - ഹാരിസ് ദേശം, പ്രൊഡക്ഷൻ കൺട്രോളർ - റിനി ദിവാകർ, കല - സുനിൽ കുമരൻ, മേക്കപ്പ് - ഹസൻ വണ്ടൂർ, വസ്‌ത്രാലങ്കാരം - മെൽവി ജെ, പ്രൊഡക്ഷൻ എക്‌സിക്യൂട്ടീവ് - വിനോഷ് കൈമൾ, ചീഫ് അസോസിയേറ്റ് ഡയറക്‌ടർ - കിരൺ റാഫേൽ, സ്റ്റിൽസ് - ബിജിത്ത് ധർമ്മടം, പരസ്യകല - ഓൾഡ്‌മങ്ക്‌സ്, പി ആർ ഒ - എ എസ് ദിനേശ്. ഈരാറ്റുപേട്ട, വട്ടവട, കൊച്ചി എന്നിവിടങ്ങളിലായാണ് ഈ സിനിമയുടെ ചിത്രീകരണം പൂർത്തിയാവുക.
