ഹൈദരാബാദ്: സിനിമാലോകം ഏറെ പ്രതീക്ഷയോടെ കാത്തിരിക്കുന്ന ചിത്രമാണ് അല്ലു അർജുന്‍ പ്രധാന വേഷത്തിലെത്തുന്ന 'പുഷ്‌പ 2: ദി റൂൾ'. ചിത്രം ഈ വര്‍ഷം ഓഗസ്റ്റില്‍ തിയേറ്ററുകളിൽ എത്തുമെന്നാണ് പ്രതീക്ഷിച്ചിരുന്നത്. എന്നാല്‍ ചിത്രത്തിന്‍റെ റിലീസ് വൈകി. തുടര്‍ന്ന് റിലീസ് വൈകുന്നതിനെ കുറിച്ച് നിരവധി വാര്‍ത്തകളും സമൂഹ മാധ്യമങ്ങളില്‍ നിറഞ്ഞു.
ഇപ്പോള്‍ ചിത്രത്തിന്‍റെ നിര്‍മാതാവ് ബണ്ണി വാസു 'പുഷ്‌പ 2: ദി റൂൾ' ന്‍റെ വിശേഷങ്ങള്‍ പങ്കുവച്ചിരിക്കുകയാണ്. 'പുഷ്‌പ: ദി റൈസ്' ന്‍റെ ബോക്‌സ് ഓഫിസ് വിജയത്തെ തുടര്‍ന്ന് രണ്ടാം ഭാഗത്തില്‍ നിരവധി മാറ്റങ്ങള്‍ വരുത്തി. അതുകൊണ്ടാണ് ഷൂട്ടിങ് വൈകിയതെന്ന് അദ്ദേഹം പറഞ്ഞു. നിലവില്‍ ലഭിക്കുന്ന വിവരം അനുസരിച്ച് ചിത്രം ഡിസംബറില്‍ തിയേറ്ററികളിലെത്തും. ചിത്രത്തിന്‍റെ എഡിറ്റിങ്ങാണിപ്പോള്‍ നടക്കുന്നത്.
അല്ലു അർജുനും ചിത്രത്തിന്‍റെ സംവിധായകന്‍ സുകുമാറും തമ്മില്‍ പ്രശ്‌നങ്ങളുണ്ടെന്നും അതുകൊണ്ടാണ് ചിത്രത്തിന്‍റെ റിലീസ് വൈകുന്നതെന്നും സമൂഹ മാധ്യമങ്ങളില്‍ വാര്‍ത്ത പ്രചരിക്കുന്നുണ്ടായിരുന്നു. എന്നാല്‍ ഇത് അടിസ്ഥാനരഹിതമായ ആരോപണമാണെന്ന് ബണ്ണി വാസു വ്യക്തമാക്കി. സമൂഹ മാധ്യമങ്ങളില്‍ പ്രചരിക്കുന്ന വാര്‍ത്തകള്‍ വിശ്വസിക്കരുതെന്നും അദ്ദേഹം പറഞ്ഞു.
Also Read: കാത്തിരിപ്പിന് വിരാമം; കമൽഹാസന്‍ ചിത്രം 'ഇന്ത്യൻ 2' ഒടിടിയിലേക്ക്, തീയതി പ്രഖ്യാപിച്ചു
