സിജു വിൽസനെ നായകനാക്കി പി ജി പ്രേംലാൽ സംവിധാനം ചെയ്‌ത ചിത്രം 'പഞ്ചവത്സര പദ്ധതി' കഴിഞ്ഞ ദിവസമാണ് തിയേറ്ററുകളിലെത്തിയത്. മികച്ച പ്രതികരണം നേടി ചിത്രം പ്രദർശനം തുടരുകയാണ്. ഇപ്പോഴിതാ 'പഞ്ചവത്സര പദ്ധതി' കണ്ട ശേഷമുള്ള നടൻ ശ്രീനിവാസന്‍റെ വാക്കുകളാണ് ശ്രദ്ധ നേടുന്നത്.
സിനിമ തനിക്കിഷ്‌ടപ്പെട്ടെന്നും സാമൂഹിക പ്രസക്തിയുള്ള ഈ ചിത്രം ഓരോ മലയാളിയും കണ്ടിരിക്കേണ്ടതാണെന്നുമാണ് ശ്രീനിവാസന്‍റെ വാക്കുകൾ. 'പഞ്ചവത്സര പദ്ധതി' സിനിമയുടെ സംവിധായകൻ പി ജി പ്രേംലാലിന്‍റെ അടുത്ത സുഹൃത്തും മെന്‍ററുമാണ് ശ്രീനിവാസൻ. ഇദ്ദേഹത്തെ നായകനാക്കി 'ആത്മകഥ', 'ഔട്ട് സൈഡർ' എന്നീ സിനിമകൾ പ്രേംലാൽ നേരത്തെ സംവിധാനം ചെയ്‌തിരുന്നു.
അതേസമയം പ്രീ-വീക്കെൻഡ് ദിവസങ്ങളിൽ 'പഞ്ചവത്സര പദ്ധതി' ഹൗസ് ഫുൾ ഷോകളും ഫാസ്‌റ്റ് ഫില്ലിംങ് ഷോകളുമായി മികച്ച പ്രേക്ഷക പിന്തുണയോടെയാണ് മുന്നേറുന്നത്. സജീവ് പാഴൂർ കഥ ഒരുക്കിയ ഈ സിനിമയിൽ പുതുമുഖം കൃഷ്‌ണേന്ദു എ മേനോൻ ആണ് നായികയായി എത്തിയത്. പി പി കുഞ്ഞികൃഷ്‌ണൻ, നിഷ സാരംഗ്, സുധീഷ്, മുത്തുമണി, വിജയകുമാർ, ചെമ്പിൽ അശോകൻ, ബിനോയ് നമ്പാല, ഹരീഷ് പേങ്ങൻ, സിബി തോമസ്, ജിബിൻ ഗോപിനാഥ്, ആര്യ സലിം, ജോളി ചിറയത്ത്, ലാലി പി എം തുടങ്ങിയവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
കിച്ചാപ്പൂസ് എന്‍റർടെയിൻമെൻസിന്‍റെ ബാനറിൽ കെ ജി അനിൽകുമാറാണ് സിനിമയുടെ നിർമാണം. ഷാൻ റഹ്മാനാണ് ചിത്രത്തിന്‍റെ സംഗീത സംവിധായകൻ. ആൽബി ഛായാഗ്രഹണവും കിരൺ ദാസ് എഡിറ്റിങ്ങും നിർവഹിച്ചിരിക്കുന്നു.
പഞ്ചവത്സര പദ്ധതിയുടെ മറ്റ് അണിയറ പ്രവർത്തകർ ഇവരാണ്: ഗാനരചന: റഫീഖ് അഹമ്മദ്, ഏങ്ങണ്ടിയൂർ ചന്ദ്രശേഖരൻ, ആർട്ട്: ത്യാഗു തവനൂർ, മേക്കപ്പ്: രഞ്ജിത്ത് മണലിപ്പറമ്പിൽ, സ്‌റ്റൻഡ്‌സ്: മാഫിയാ ശശി, വസ്‌ത്രാലങ്കാരം: വീണാ സ്യമന്തക്, പ്രൊഡക്ഷൻ കൺട്രോളർ: ജിനു പി കെ, സൗണ്ട് ഡിസൈൻ: ജിതിൻ ജോസഫ്, സൗണ്ട് മിക്‌സ്: സിനോയ് ജോസഫ്, വി എഫ് എക്‌സ്: അമൽ, ഷിമോൻ എൻ എക്‌സ് (മാഗസിൻ മീഡിയ), ചീഫ് അസോസിയേറ്റ് ഡയറക്‌ടർ: എ കെ രജിലേഷ്, അസോസിയേറ്റ് ഡയറക്‌ടർ: രാജേഷ് തോമസ്, ഫിനാൻസ് കൺട്രോളർ: ധനേഷ് നടുവള്ളിയിൽ, സ്‌റ്റിൽസ്: ജസ്‌റ്റിൻ ജെയിംസ്, പബ്ലിസിറ്റി ഡിസൈനർ: ആന്‍റണി സ്‌റ്റീഫൻ, പിആർഒ: പ്രതീഷ് ശേഖർ.
