മലപ്പുറം : തിരൂര്‍ തുഞ്ചത്ത് എഴുത്തച്ഛന്‍ മലയാളം സര്‍വകലാശാലയില്‍ 2024-25 അധ്യയന വര്‍ഷത്തിലേക്കുള്ള ബിരുദാനന്തര ബിരുദ പ്രോഗ്രാമുകളിലേക്ക് അപേക്ഷ ക്ഷണിച്ചു. നാല് സെമസ്റ്ററുകളുള്ള രണ്ട് വര്‍ഷമാണ് പ്രോഗ്രാമുകളുടെ കാലാവധി.
പ്രോഗ്രാമുകള്‍ : എംഎ ഭാഷ ശാസ്ത്രം, എംഎ മലായളം സാഹിത്യ പഠനം, എംഎ മലയാളം സാഹിത്യ രചന, എംഎ മലയാളം സംസ്‌കാര പൈതൃകം, എംഎ ജേണലിസം ആന്‍ഡ് മാസ് കമ്മ്യൂണിക്കേഷന്‍, എംഎ പരിസ്ഥി പഠനം, എംഎസ്‌സി പരിസ്ഥിതി പഠനം, എംഎ വികസന പഠനവും തദ്ദേശ വികസനവും, എംഎ ചരിത്ര പഠനം, എംഎ സോഷ്യോളജി, എംഎ ചലച്ചിത്ര പഠനം, എംഎ താരതമ്യ സാഹിത്യ വിവര്‍ത്തന പഠനം. ഓരോ പ്രോഗ്രാമുകളിലും 20 പേര്‍ക്ക് പ്രവേശനമുണ്ട്.
യോഗ്യത : ഏതെങ്കിലും വിഷയത്തില്‍ ബിരുദം. എംഎസ്‌സി പരിസ്ഥിതി പഠന കോഴ്‌സിന് പ്ലസ്‌ടു തലത്തില്‍ സയന്‍സ് പഠിച്ചിട്ടുള്ള അംഗീകൃത ബിരുദം വേണം.
പ്രായം : 28 വയസ് കവിയരുത്. പട്ടികജാതി, പട്ടിക വര്‍ഗ, ഭിന്ന ശേഷി വിഭാഗക്കാര്‍ക്ക് 30 വയസുവരെ ആകാം. എന്‍ട്രന്‍സ് പരീക്ഷയുടെ അടിസ്ഥാനത്തിലാണ് പ്രവേശനം. ഒരാള്‍ക്ക് പരാമവധി മൂന്ന് പ്രോഗ്രാമുകള്‍ക്ക് പ്രവേശന പരീക്ഷ എഴുതാം.
സാഹിത്യ രചന പ്രോഗ്രാമിന് അപേക്ഷിക്കുന്നവര്‍ അഞ്ച് പുറത്തില്‍ കവിയാതെ അവരുടെ ഏതെങ്കിലും രചന അഭിരുചി പരീക്ഷ സമയത്ത് സമര്‍പ്പിക്കണം. ഒരു മണിക്കൂര്‍ ദൈര്‍ഘ്യമുള്ളതാണ് പ്രവേശന പരീക്ഷ. ഡിസ്‌ക്രിപ്‌ടീവ്, ഒബ്‌ജക്‌ടീവ് മാതൃകയില്‍ 50 മാര്‍ക്കിന്‍റെ ചോദ്യങ്ങളുണ്ടാകും. 40 മാര്‍ക്കെങ്കിലും നേടുന്നവര്‍ മാത്രമേ റാങ്ക് ലിസ്റ്റില്‍ ഉള്‍പ്പെടുകയുള്ളൂ.
പരീക്ഷ കേന്ദ്രങ്ങള്‍ : തിരുവനന്തപുരം, എറണാകുളം, തിരൂര്‍, കോഴിക്കോട്, വയനാട്. പ്രവേശന പരീക്ഷ തീയതി പിന്നീട് അറിയിക്കും.
അപേക്ഷ ഫീസ് : ഓരോ പ്രോഗ്രാമിനും 450 രൂപ വീതം. പട്ടികജാതി, പട്ടിക വര്‍ഗക്കാര്‍ക്ക് ഫീസിളവുണ്ട്. അപേക്ഷ ഓണ്‍ലാനായാണ് സമര്‍പ്പിക്കേണ്ടത്. അവസാന തീയതി മെയ് 20. വെബ്‌സൈറ്റ്: www.malyalamuniversity.edu.in
Also Read : ആയുഷ് പിജി എൻട്രൻസ് ടെസ്റ്റിന് അപേക്ഷ ക്ഷണിച്ചു; അറിയേണ്ടതെല്ലാം... - AYUSH PG ENTRANCE TEST 2024
