രാജസ്ഥാൻ: റിട്ടയേർഡ് കേന്ദ്ര സർക്കാർ ഉദ്യോഗസ്ഥനിൽ നിന്ന് 54.30 ലക്ഷം രൂപ തട്ടിയെടുത്ത രണ്ട് പേർ അറസ്റ്റിൽ. നികുഞ്ച് കുമാർ, ലക്ഷ്യ സൈനി സാഹബ് എന്നിവരാണ് അറസ്റ്റിലായത്. ഒരാൾ ബാർബർ ഷോപ്പിൽ ജോലി ചെയ്യുകയും മറ്റൊരാൾ പോളിടെക്‌നിക് കോളജ് വിദ്യാർഥിയുമാണ്. ചോദ്യം ചെയ്യലിൽ മുംബൈ പൊലീസ്, ക്രൈംബ്രാഞ്ച്, ഇഡി ഉദ്യോഗസ്ഥർ എന്നീ വേഷങ്ങൾ ധരിച്ച് ആളുകളെ ഇവർ പറ്റിക്കാറുണ്ടായിരുന്നെന്ന് കണ്ടെത്തിയതായി പൊലീസ് പറഞ്ഞു.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക.
സമൂഹമാധ്യമത്തിൽ അശ്ലീല ഉള്ളടക്കം അപ്‌ലോഡ് ചെയ്തെന്നും കള്ളപ്പണം വെളുപ്പിക്കൽ റാക്കറ്റിൽ ഉൾപ്പെട്ടിട്ടുണ്ടെന്നും പറഞ്ഞാണ് ആളുകളെ ഇവർ തട്ടിപ്പിനിരയാക്കിയിരുന്നത്. അഗ്യേയ നഗറിലെ റിട്ടയേർഡ് കേന്ദ്ര സർക്കാർ ജീവനക്കാരനായ ജയ്‌ദേവ് സിംഗിനെയാണ് തട്ടിപ്പിനിരയാക്കിയത്. ജയ്‌ദേവിൻ്റെ പേരിൽ സമൂഹമാധ്യമത്തിൽ അശ്ലീല ഉള്ളടക്കം അപ്‌ലോഡ് ചെയ്തെന്നും അതിനാൽ ഉടൻ അറസ്റ്റ് ചെയ്യുമെന്നും കള്ളപ്പണം വെളുപ്പിക്കൽ റാക്കറ്റിൽ ഉൾപ്പെട്ടതായി കണ്ടെത്തിയെന്നും തട്ടിപ്പുകാര്‍ ഇയാളോട് പറഞ്ഞു.
അറസ്റ്റ് ചെയ്യുമെന്ന് ഭീഷണിപ്പെടുത്തി ജൂൺ 26 മുതൽ ജൂലൈ 15 വരെ 54.30 ലക്ഷം രൂപ പലതവണകളായി തട്ടിപ്പ് സംഘത്തിന്‍റെ അക്കൗണ്ടിൽ ജയദേവ് നിക്ഷേപിച്ചു. പിന്നീട് താൻ തട്ടിപ്പിനിരയായെന്ന് ബോധ്യപ്പെട്ടപ്പോൾ പൊലീസിൽ പരാതിപ്പെടുകയായിരുന്നു. ബാങ്കിൽ റജിസ്റ്റർ ചെയ്‌ത മൊബൈൽ നമ്പർ കേന്ദ്രീകരിച്ചുള്ള അന്വേഷണത്തിലാണ് പ്രതികളിലേക്ക് എത്തുന്നത്.
അന്വേഷണത്തിൽ പ്രതികൾ ഹരിയാനയിലും രാജസ്ഥാനിലും ഉണ്ടെന്ന് കണ്ടെത്തുകയായിരുന്നു. ഹരിയാനയിലെ അൽവാർ പൊലീസിൻ്റെ സഹായത്തോടെ ബിലാസ്‌പൂർ പൊലീസ് പ്രതികളായ നികുഞ്ച് കുമാറിനെയും ലക്ഷ്യ സൈനി സാഹബിനെയും കസ്റ്റഡിയിലെടുത്ത് ചോദ്യം ചെയ്യുകയായിരുന്നു. പിന്നീടിവർ കുറ്റം സമ്മതിച്ചു. ഇരുവരും ഒരേ പ്രദേശത്ത് നിന്നുള്ളവരാണ്. ഇരുവരെയും കോടതിയിൽ ഹാജരാക്കി റിമാൻഡ് ചെയ്‌തു.
Also Read: മഹാദേവ് ഓൺലൈൻ വാതുവയ്‌പ്പ് കേസ്; 387.99 കോടി രൂപയുടെ സ്വത്തുക്കൾ കണ്ടുകെട്ടി
