ടെലികോം ലേലം ആരംഭിച്ചു; പതിനായിരം കോടി രൂപ വരെ ലേലത്തുക ലക്ഷ്യമിട്ട് സര്‍ക്കാര്‍ - Spectrum auction begins

ലേലത്തിനായി റിലയൻസ് ജിയോ 3000 കോടി രൂപയും ഭാരതി എയർടെൽ 1050 കോടി രൂപയും വോഡഫോൺ ഐഡിയ 300 കോടി രൂപയും നിക്ഷേപിച്ചിട്ടുണ്ട്. കമ്പനികൾക്ക് നിക്ഷേപിച്ച തുകയുടെ മൂന്നോ നാലോ ഇരട്ടി വരെ ലേലം വിളിക്കാൻ അവസരമുണ്ട്.

ന്യൂഡല്‍ഹി: ടെലികോം സേവനദാതാക്കൾക്കുള്ള സ്‌പെക്‌ട്രത്തിനായുള്ള ലേലത്തിന് തുടക്കമായി. രണ്ട് തവണ മാറ്റിവെച്ചതിന് ശേഷമാണ് ഇന്ന് ലേലം ആരംഭിച്ചിരിക്കുന്നത്. 800 MHz, 900 MHz, 1,800 MHz, 2,100 MHz, 2,300 MHz, 2,30,500 എന്നീ ബാൻഡുകളിലെ ഫ്രീക്വൻസികളാകും ഡിപ്പാർട്ട്‌മെൻ്റ് ഓഫ് ടെലികമ്മ്യൂണിക്കേഷൻസ് (DoT) ലേലം ചെയ്യക.

26 GHz, 700 മെഗാഹെർട്‌സ് ബാൻഡിലുള്ള പ്രീമിയം 5G എയർവേവുകൾ ഇത്തവണ ലേലം ചെയ്യില്ല. ഈ ലേലത്തിൽ വാങ്ങിയ സ്‌പെക്‌ട്രം 20 വർഷത്തേക്ക് സാധുവായിരിക്കും. 10 വർഷത്തിനു ശേഷം ടെലികോം കമ്പനികൾക്ക് സ്‌പെക്‌ട്രം പങ്കിടാനും വ്യാപാരം നടത്താനും പാട്ടത്തിനെടുക്കാനും സറണ്ടർ ചെയ്യാനും കഴിയും.

ടെലികോം കമ്പനികൾക്ക് മുഴുവൻ തുകയും മുൻകൂറായി അല്ലെങ്കിൽ പലിശ സഹിതം തവണകളായി അടയ്ക്കാം. ഈ ലേലത്തിൽ മാറ്റിവെച്ച തുക അടവുകള്‍ക്കുള്ള പലിശ നിരക്ക് 8.65 ശതമാനമാണ്. 2022 ലെ ലേലത്തിലെ 7.2 ശതമാനത്തെക്കാൾ കൂടുതലാണിത്. അടവുകളിൽ അനുബന്ധ മൊറട്ടോറിയങ്ങളോടുകൂടിയ ഭാഗിക അടവുകളും 20 വാർഷിക ഗഡുക്കളായ അടവുകളും ഉൾപ്പെടുന്നു. ടെലികോം കമ്പനികൾക്ക് പിഴ കൂടാതെ മുൻകൂറായി പണമടയ്ക്കാം.

ഈ റൗണ്ട് സ്‌പെക്‌ട്രം ലേലത്തിൽ, ടെലികോം വകുപ്പ് (DoT) 600 MHz, 700 MHz ബാൻഡുകളെ ഒഴിവാക്കിയിട്ടുണ്ട്. 3,300 മെഗാഹെർട്‌സ്, 26 ജിഗാഹെർട്‌സ് ബാൻഡുകൾക്ക് യഥാക്രമം 12 ശതമാനവും 8.9 ശതമാനവും കരുതൽ വില വകുപ്പ് വർധിപ്പിച്ചു. 2022 ലെ ലേലത്തിൽ ഡിമാൻഡ് കണ്ട ബാൻഡുകളിലോ സർക്കിളുകളിലോ സ്‌പെക്‌ട്രം വില 11-14 ശതമാനം വർധിച്ചു. റിലയൻസ് ജിയോ 3000 കോടി രൂപയും ഭാരതി എയർടെൽ 1050 കോടി രൂപയും വോഡഫോൺ ഐഡിയ 300 കോടി രൂപയും നിക്ഷേപിച്ചിട്ടുണ്ട്.

ടെലികോം കമ്പനികൾക്ക് നിക്ഷേപിച്ച തുകയുടെ മൂന്നോ നാലോ ഇരട്ടി വരെ ലേലം വിളിക്കാൻ അവസരമുണ്ട്. ടെലികമ്മ്യൂണിക്കേഷൻസ് വകുപ്പ് എയർടെല്ലിന് 7,613 പോയിന്‍റും വോഡഫോൺ ഐഡിയയ്ക്ക് 2,200 പോയിന്‍റും റിലയൻസ് ജിയോയ്ക്ക് 21,363 പോയിന്‍റും അനുവദിച്ചിട്ടുണ്ട്. 2024-ൽ ലൈസൻസുകളുടെയും സ്‌പെക്‌ട്രത്തിന്‍റെയും കാലാവധി കഴിയും. ഒരു പ്രത്യേക സർക്കിളിലോ ബാൻഡിലോ മുൻ ലേലങ്ങളിലൂടെ വാങ്ങിയ സ്‌പെക്‌ട്രം കൈവശം വയ്ക്കാത്ത കമ്പനികളെ വിൽപ്പനയിൽ പുതിയ എൻട്രികൾ ആയി കണക്കാക്കും.

സ്‌പെക്‌ട്രം ലേല നിയമങ്ങൾ പ്രകാരം ലേലക്കാർക്ക് എൽഎസ്എയ്‌ക്ക് 100 കോടി രൂപയുടെ അറ്റാദായ യോഗ്യത ടെലികോം വകുപ്പ് നിശ്ചയിച്ചിട്ടുണ്ട്, ജമ്മു കാശ്‌മീർ, നോർത്ത് ഈസ്‌റ്റ് സർക്കിളുകൾ എന്നിവ ഒഴികെ 50 കോടി രൂപയിൽ കുറവാണ്. ജമ്മു കശ്‌മീര്‍, ഒഡീഷ, ബീഹാർ, യുപി (ഈസ്‌റ്റ്), പശ്ചിമ ബംഗാൾ, അസം എന്നിവിടങ്ങളിൽ എയർടെൽ അതിന്‍റെ തരംഗദൈര്‍ഘ്യം പുതുക്കേണ്ടതുണ്ട്. പശ്ചിമ ബംഗാളിലും യുപി വെസ്‌റ്റ് സർക്കിളുകളിലും വോഡഫോൺ ഐഡിയയുടെ സ്‌പെക്‌ട്രം പുതുക്കേണ്ടതുണ്ട്.

‌പെക്‌ട്രം ലേലം മൂന്നാം ദിനത്തില്‍ ; ഇതുവരെ ലഭിച്ചത് 1,49,454 കോടി രൂപ