മഹേന്ദ്രഗഡ് (ഹരിയാന) : മഹേന്ദ്രഗഡ് ജില്ലയിൽ സ്‌കൂൾ ബസ് മറിഞ്ഞു. അപകടത്തിൽ ഏഴ് കുട്ടികൾ മരിക്കുകയും നിരവധി പേർക്ക് പരിക്കേൽക്കുകയും ചെയ്‌തു. കനീനയിലെ ജി എൽ പബ്ലിക് സ്‌കൂളിന്‍റെ സ്‌കൂൾ ബസ് മഹേന്ദർഗഡ് ജില്ലയിലെ ഉൻഹാനി ഗ്രാമത്തിന് സമീപം മറ്റൊരു വാഹനത്തെ മറികടക്കാൻ ശ്രമിച്ചതിനെ തുടർന്ന് അപകടത്തിൽ പെടുകയായിരുന്നുവെന്ന് പൊലീസ് ഉദ്യോഗസ്ഥർ പറഞ്ഞു.
ഡ്രൈവർക്ക് ബസ് നിയന്ത്രിക്കാനാകാതെ മരത്തിലിടിച്ചാണ് അപകടമുണ്ടായത് എന്നാണ് വിവരം. ഏകദേശം 35 മുതൽ 40 വരെ കുട്ടികളാണ് ബസിലുണ്ടായിരുന്നത്, ഈദുൽ ഫിത്തർ ആയതിനാൽ സർക്കാർ അവധി ഉണ്ടായിരുന്നിട്ടും സ്‌കൂൾ നടത്തിക്കൊണ്ടിരിക്കുകയാണെന്ന് പറയപ്പെടുന്നു.
ALSO READ : ഉത്സവം കഴിഞ്ഞ് മടങ്ങിയത് മരണത്തിലേക്ക്; കോട്ടയത്ത് ട്രെയിൻ തട്ടി വിദ്യാർഥികൾ മരിച്ചു
