ഹൈദരാബാദ്: തെലങ്കാനയിൽ ട്രെയിൻ തട്ടി അച്‌ഛനും മക്കൾക്കും ദാരുണാന്ത്യം. സബർബിലെ ഗൗഡവെല്ലി റെയിൽവേ സ്‌റ്റേഷന് സമീപമാണ് സംഭവം. മേഡ്‌ചൽ സ്വദേശി ടി കൃഷ്‌ണയും (38) മക്കളായ വർഷിത (10), വാരണി (7) എന്നിവരുമാണ് അപകടത്തിൽ മരിച്ചത്.
ട്രെയിൻ വരുന്നതറിയാതെ ട്രാക്കിൽ കളിച്ചു കൊണ്ടിരുന്ന കുട്ടികളെ രക്ഷിക്കാൻ ശ്രമിച്ചപ്പോഴാണ് അപകടമുണ്ടയതെന്ന് അധികൃതർ അറിയിച്ചു. സംഭവ സ്ഥലത്തുവെച്ചു തന്നെ അവർ മരിച്ചതായും അധികൃതർ കൂട്ടിച്ചേർത്തു. റെയിൽവേ ഡിപ്പാർട്ട്‌മെന്‍റിൽ കീമാനായി ജോലി ചെയ്‌തിരുന്ന വ്യക്തിയായിരുന്നു കൃഷ്‌ണ.
ജോലിക്കിടെ മക്കൾ റെയിൽവേ ട്രാക്കിലേക്ക് കയറിയത് അദ്ദേഹം ശ്രദ്ധിച്ചിരുന്നില്ല. ട്രെയിൻ വരുന്നത് കണ്ടപ്പോൾ അവരെ രക്ഷിക്കാനായി അദ്ദേഹവും ട്രാക്കിലേക്ക് കയറിയെങ്കിലും മൂന്ന് പേർക്കും രക്ഷപ്പെടാനായില്ലെന്ന് ജിആർപി ഇൻസ്പെക്‌ടർ പറഞ്ഞു.
Also Read: ട്രെയിന്‍ നിര്‍ത്തും മുന്‍പേ ഇറങ്ങി; ട്രാക്കില്‍ വീണ യുവാവിന് ദാരുണാന്ത്യം
